• USD12456.25
    • RUB158.36
    • EUR14461.71
    Daryo.uz - Login
    Қўзиқорин

    Lego ва Nike ҳамкорликда кийим-кечак ва янги конструктор ишлаб чиқаради

    Lego ва Nike компаниялари 2025 йил ёзида бошланадиган ҳамкорлик лойиҳасини эълон қилди. Nike х Lego Collection деб номланган лойиҳа доирасида ўсмирлар учун кийим-кечак, пойабзал, аксессуарлар ва махсус Lego тўпламлари ишлаб чиқарилади. Дизайнни яратиш жараёнида болалар ва ўсмирлар ҳам иштирок этади.

    Foto: Nike
    Фото: Nike

    1 июлдан Lego Nike Dunk х Lego Set номли конструктор тўплами сотувга чиқарилади. Нархи 99,99 евро бўлган ушбу тўплам 1180 та детални ўз ичига олади ва Nike Dunk кроссовкасини Lego кўринишида акс эттиради.

    Foto: Nike
    Фото: Nike

    Тўпламда махфий бўлинмалар, алмаштириладиган боғичлар, айланувчи баскетбол тўпи, “DUNK” ёзуви, иккита майда фигурка ва мини кроссовкалар мавжуд. Модель ўлчами 25 х 38 х 13 сантиметрни ташкил қилади.

    Foto: Nike
    Фото: Nike

    1 августдан Lego услубидаги Nike Аir Мах Dn кроссовкаси ҳам сотувга чиқарилади. У сариқ рангда бўлиб, сирти Lego ғиштларига ўхшаш услубда ишланади ва махсус логотипга эга болади. 1 сентябрдан эса оқ рангдаги Lego х Nike Dunk Low моделининг тақдимоти бўлиб ўтади.

    Foto: Nike
    Фото: Nike

    Янги коллекция Lego ва Nike расмий дўконларида ҳамда уларнинг онлайн платформаларида сотувга чиқарилади.

    #қўзиқорин#Lego#конструктор#Nike#кийим-кечак

    Жавоб қолдиринг

    Мавзуга доир

    ×Lightbox Image