Профессионал цирк артисти, сочидан осилиб туриш бўйича мутахассис Гиннес рекордини янгилади. У ўзининг сочидан 25 дақиқа 11,3 сония давомида осилиб турган. Бу ҳақда UPI хабар берди.
39 ёшли Лейла Нун ушбу рекордни Калифорниядаги Редвуд миллий ва штат боғларининг гўзал манзарасида синаб кўрди.
Нун бу рекордни янгилаш учун икки йил давомида машқ қилиб, чидамлиликни оширганини айтди. Олдинги рекорд 2011 йилда австралиялик Сутакаран Сивагнанатурай томонидан 23 дақиқа 19 сония билан ўрнатилган эди.
Цирк артисти ушбу уриниши орқали инсон онгининг кучи билан нималарга эришиш мумкинлигини исботлашни мақсад қилганини таъкидлади.
У ижтимоий тармоқларда минглаб издошларига эга бўлиб, ўзининг акробатик машқларини, оёқлари билан камон ва ўқ отишини ва кўплаб сочдан осилиш жараёнларини кўрсатадиган ҳайратланарли суратлар ва видеоларни тез-тез улашади.
Изоҳ (0)