АҚШ президенти Дональд Трамп ўзининг 2016- ва 2024 йиллардаги президентлик сайловларидаги ғалабаларини нишонлаш мақсадида Victory 45–47 деб номланган янги парфюмерия тўпламини намойиш қилди.
Атирлар эркаклар ва аёллар учун мўлжалланган бўлиб, дўконларда 199 дан 249 долларгача нархда сотувга чиқарилган. Флакон Трампнинг ҳайкалчасига ўхшаш дизайнда ишлаб чиқилган бўлиб, қора (эркаклар учун) ва қизил (аёллар учун) қутига жойланган.
“Бу атирлар куч ва ғалаба рамзидир. Ўзингиз учун харид қилинг, яқинларингизга ҳам улашишни унутманг. Унинг ифоридан баҳраманд бўлинг ва ғалаба қозонишда давом этинг!”, деб ёзади Трамп ўзининг Truth Social’даги саҳифасида.
Мазкур парфюмерия линияси Трампнинг кейинги йилларда кенгайтираётган шахсий бренди ва товар белгиларининг навбатдаги маҳсулидир. У илгари ҳам Never Surrender деб номланган спорт кроссовкалари, God Bless the USA китоби, Fight! Fight! Fight! деб номланган яна бир атир, шунингдек, футболкалар, соатлар ва бошқа предметларни сотувга чиқарган эди.
Атир тақдимотидан бир оз олдинроқ Трамп НАТО саммитида Нидерландия бош вазири Марк Рютте томонидан daddy (дада) деб аталган. Бу ибора ижтимоий тармоқларда муҳокамаларга сабаб бўлиб, Трамп ушбу ҳодисани тезда маркетинг имкониятига айлантирган ва Daddy ёзуви туширилган футболкаларни хайрия эвазига ($35) сотишни йўлга қўйган.
Изоҳ (0)