Тошкент вилояти Оққўрғон туманида эр аёлини ўлгунича калтаклаб, вафотига сабабчи бўлди. Бу ҳақда “Миллар” дастурида хабар берилди.
Аниқланишича, ҳолат Тошкент вилоятининг Оққўрғон туманида содир бўлган. 1988 йилда туғилган эркак 2001 йилда туғилган турмуш ўртоғи билан оилавий келишмовчиликлар сабабли жанжаллашган. Жанжал вақтида эркак аёлини уриб тан жароҳати етказган.
Жабрланувчи Чиноз туман тиббиёт бўлимига мурожаат қилган. Шифокорлар кўрсатган ёрдамга қарамай, келин вафот этган. Марҳуманинг онаси гўдак набираси энди онасиз қолганини билдирган.
Жиноят ишлари бўйича Оққўрғон туман судининг ҳукми билан судланувчи Жиноят кодексининг 126-моддаси билан айбли деб топилди. У 12 йилга қамалди.
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
- Чинозда 25 ёшли эркак хотини ва қайнанасини қасддан ўлдирди.
- Фарғонада эркак бир гуруҳ дўстлари билан собиқ куёвини дўппослади.
- Чинозда ука ўз опасини ўлдириб, 7 кун уйда сақлади.
- Самарқандда қайнона келинини қувватлагич сими билан бўғиб ўлдирди.
- Андижонлик ўқитувчи аёл пичоқлаб ўлдирилди. Гумонланувчи эр қўлга олинди.
- Наманганда эркак дўконда хотинини пичоқлаб ўлдирди.
- Сурхондарёда аёлига тазйиқ ўтказган эркак қамалди.
Изоҳ (0)