Навоийда ЙПХ ходими 16 ёшли бола сабаб вафот этиши, Тошкент шаҳар ҳокимлиги кўчмас мулк сотиб олишда эҳтиёткор бўлишга чақириши, БААда нуфузли совринни қўлга киритган Тошкент Президент мактаби ўқувчиларининг ота-онаси ва устози мукофотланиши — “Дарё” нашри бугун, 20 январда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Урганчдан Қўнғиротга янги поезд қатнови йўлга қўйилди
Қатнов Амударё устидан ўтувчи янги кўприкда 20 январдан йўлга қўйилди.
Ўзини ўзи енгган тадбиркорлар, фаолият кўрсатмаётган корхонанинг иштироки — шубҳали тендерларга назар
“Дарё” Ўзбекистон Республикаси Товар-хом ашё биржасида ўтказилган тендер савдолари ҳужжатларини мониторинг қилишда ва энг эътиборга молик савдолар ҳақида маълумот беришда давом этади.
Ўзбекистонда сўнгги 5 йилда тадбиркорлар томонидан қанча иш ўринлари яратилгани маълум қилинди
Янги иш ўринлари яратиш бўйича Андижон, Фарғона, Хоразм, Самарқанд ҳамда Наманган вилоятлари етакчилик қилмоқда.
Умра ва ҳаж зиёратчиларига эмланиш талаб этилади
Саудия Арабистонига борадиганлар 1 февралдан эмланиш сертификатига эга бўлиши керак.
Навоийда ЙПХ ходими 16 ёшли бола сабаб вафот этди
У отасига тегишли автомобилда ходимни уриб юбориб, қочиб кетган.
ССВ Тошкентда икки ойлик чақалоқ қўли ампутация қилинганига изоҳ берди
Ижтимоий тармоқларда унинг қўли тиббиёт ходимларининг нотўғри муолажаси оқибатида кесиб ташлангани ҳақида хабарлар тарқалганди.
Тошкент шаҳар ҳокимлиги кўчмас мулк сотиб олишда эҳтиёткор бўлишга чақирди
Ҳокимлик ноқонуний қурилма ва иншоотларни демонтаж қилиш давом эттирилаётганини билдирди.
Нукус шаҳар ҳокимлиги тақиқдаги Malibu-2 сини сотмоқчи, ўрнига 500 млн сўмга Kia К5 сотиб олинган
Шаҳар ҳокимининг фармойиши билан Malibu-2 автомобилини белгиланган тартибда аукцион орқали сотувга чиқариш назарда тутилган.
эБай Ўзбекистонда солиқ тўловчи сифатида рўйхатдан ўтди
Бугунги кунда Ўзбекистонда 64 та хорижий компания қўшилган қиймат солиғи тўламоқда.
Тошкентда 6 ёшли бола ўлимига сабаб бўлган қудуқни очиқ қолдирган масъулга суд ҳукми ўқилди
У Жиноят кодексининг 258-моддаси (тоғ-кон, қурилиш ёки портлатиш ишлари хавфсизлиги қоидаларини бузиш) 2-қисми “а” банди билан айбли деб топилди.
Жиззахда ноқонуний балиқ овлаш натижасида табиатга қарийб ярим млрд сўмлик зарар етказилди
Ҳолат юзасидан суд органларига тақдим этиш ва қонуний чоралар кўриш учун тегишли ҳужжатлар тайёрланди.
БААда нуфузли совринни қўлга киритган Тошкент Президент мактаби ўқувчиларининг ота-онаси ва устози мукофотланди (видео)
Саида Мирзиёева икки нафар ўқувчининг ота-онаси ва устозига президент номидан мукофот топширди.
“Масофавий аудит” ахборот тизимига 110 та вазирлик ва идоранинг маълумотлар базаси интеграция қилинади
Президент Ҳисоб палатаси томонидан 2024 йилда амалга оширилган ишлар ва 2025 йилги асосий вазифаларга оид тақдимот билан танишди.
Саида Мирзиёева “Раҳбар аёллар мактаби” ўқув дастури тўртинчи мавсумининг очилиш маросимида иштирок этди (фото)
Президент ёрдамчиси ушбу муҳим лойиҳа ривожланишда давом этаётгани қувонарли эканлигини таъкидлади.
Ўзбекистондаги 230 та туғуруқ муассасаси учун 45 турдаги 21 мингта тиббий ускуна харид қилинади
Президент тиббиёт муассасаларини жиҳозлаш ва хизматлар сифатини оширишга доир таклифлар тақдимоти билан танишди.
“М-25” кони ҳудудида ҳеч қандай кутилмаган вазиятлар кузатилмаган – Энергетика вазирлиги
Кон ҳудудида кичик ҳажмда тўпланган газни хавфсиз ёқиш ишлари олиб борилмоқда.
Пахта хом ашёсининг бошланғич нархи Нью Йорк биржасидаги фьючерс котировкаларидан келиб чиқиб белгиланади
Президентнинг “Пахта хом ашёсини етиштириш ва сотишда бозор механизмларини қўллашни изчил давом эттириш чора-тадбирлари тўғрисида”ги фармони қабул қилинди.
“Нодавлат ОТМларидан ҳеч қандай мажбурий фоиз ундирилмайди” — Олий таълим, фан ва инновациялар вазирлиги
Вазирлик мазкур масалада нодавлат ОТМларига шартнома тузиш тавсиявий характерга эга эканини маълум қилади.
Изоҳ (0)