Ўзбекистонда туғилишда кутилаётган умр кўриш давомийлиги динамикаси эълон қилинган эди. Бу бўйича ҳудудлар кесимида маълумот берилди.
Миллий статистика қўмитаси маълумотларига кўра, Ўзбекистонда 2024 йилда туғилишда кутилаётган умр кўриш давомийлиги 75,1 ёшни ташкил этди. Туғилишда кутилаётган умр кўриш давомийлиги ҳудудлар бўйича қуйидагича:
- Тошкент шаҳри – 76,8 ёш;
- Фарғона вилояти – 76,6 ёш;
- Бухоро вилояти – 76,3 ёш;
- Жиззах вилояти – 76 ёш;
- Навоий вилояти – 75,8 ёш;
- Тошкент вилояти – 75,1 ёш;
- Самарқанд вилояти – 74,8 ёш;
- Наманган вилояти – 74,6 ёш;
- Хоразм вилояти – 74,6 ёш;
- Қашқадарё вилояти – 74,4 ёш;
- Сурхондарё вилояти – 74 ёш;
- Андижон вилояти – 73,7 ёш;
- Қорақалпоғистон Респ. – 73 ёш;
- Сирдарё вилояти – 72,2 ёш.
Мамлакатда туғилишда кутилаётган умр кўриш давомийлиги динамикаси қуйидагича:
- 1991 йилда – 66,4 ёш;
- 1995 йилда – 69,1 ёш;
- 2000 йилда – 70,8 ёш;
- 2005 йилда – 71,8 ёш;
- 2010 йилда – 73 ёш;
- 2015 йилда – 73,6 ёш;
- 2020 йилда – 73,4 ёш;
- 2024 йилда – 75,1 ёшни ташкил этди.
Ўзбекистонда 2025 йилда неча киши вафот этиши мумкинлиги прогноз қилинган эди. Ўзбекистонда ўлимлар сони 2025 йилда 223,9 минг кишини ташкил этиши тахмин қилинмоқда. Статистика агентлиги маълумотларига кўра, Ўзбекистонда ўртача умр кўриш давомийлиги 74,3 ёшни ташкил этади. Мамлакатда ўлим ҳолатларининг ярмидан кўпи қон айланиш тизими касалликлари сабаб юз бермоқда.
Туғилиш статистикаси
2024 йилда Ўзбекистонда 926,4 минг нафар бола туғилган. Шундан 479,5 минг нафари ўғил, қолган 446,9 минг нафари қизлар. Мамлакатда 2018 йилдан бери биринчи марта туғилишнинг йиллик ўсиши тўхтаган. Ўтган йилда туғилганлар сони нафақат 2023 йил, балки 2022 йил кўрсаткичидан ҳам паст бўлган.
Туғилишнинг камайиши республиканинг барча ҳудудларини қамраб олган. Гарчи шиддат билан қисқараётганига қарамай, энг юқори туғилиш даражаси Сурхондарёда, энг кам туғилиш Қорақалпоғистонда. Шаҳарларда туғилиш қишлоқлардан кўра тезроқ қисқармоқда. Хусусан, 2023 йилда шаҳарларда 480,2 минг бола туғилган бўлса, 2024 йилда бу кўрсаткич 454,5 мингтагача кескин қисқарган. Қишлоқларда эса 2023 йилда 481,8 минг, ўтган йили 471,9 минг чақалоқ дунёга келган.
Никоҳлар ва ажрашишлар
2024 йилда Ўзбекистонда 271,8 мингта никоҳ қайд этилган. Бу камида 15 йиллик минимум кўрсаткич ҳисобланади. Ҳатто 2010 йилда ҳам 292,3 минг никоҳ рўйхатга олинган. Яъни никоҳлар аҳоли сонига мутаносиб равишда ўсмаган.
Ўтган йил мобайнида никоҳ тузганларнинг 136,7 минг нафари (50,3 фоиз) шаҳарларда, 135,1 минг нафари (49,7 фоиз) қишлоқ жойларида яшовчилар бўлган.
Ўтган йили никоҳланувчиларнинг ўртача ёши ошишда давом этган. Яъни эркакларда 27,1 ёш, аёлларда 22,3 ёшга етган (2023 йилга нисбатан 0,1 ёшга юқорилаган).
Никоҳлар сонининг энг кўп улуши Самарқанд (31,4 мингта), Қашқадарё (29,2 мингта), Фарғона (29,2 мингта) вилоятлари ҳиссасига тўғри келган.
Изоҳ (0)