Қозоғистоннинг Караганда шаҳри жануби-шарқий туманида аёл автобус бекатида фарзанд кўрди. Аёл ва чақалоқ тиббиёт муассасасига етказилди. Бу ҳақда Караганда.кз сайти хабар бермоқда.
Маълум қилинишича, ижтимоий тармоқларда Карагандадаги “TBS” бекатида аёлнинг фарзанд кўргани ҳақида хабар тарқалган.
Аниқланишича, кутилмаган туғилиш тушлик пайтида, аёл автобус кутаётганида юз берган. Гувоҳларнинг айтишича, туғуруқ жараёни жуда тез бошланган. Шу сабабли аёл туғуруқхонага етиб боришга улгурмасдан, фарзандини автобус бекатида дунёга келтиришга мажбур бўлган.
Атрофдагилар тез ёрдам сҳақиришган, аёл ҳамда унинг боласи шифохонага ётқизилган.
“Кўрсатилган ёрдам натижасида аёл чақалоғи билан Вилоят клиник касалхонасининг перинатал марказига ётқизилди. Онанинг аҳволи барқарор. Чақалоқ реанимацияда, аҳволи оғир, чунки у муддатидан олдин, ҳомиладорликнинг 34-ҳафтасида туғилган”, дейилади хабарда
2019 йилда Киевда жойлашган сайлов участкаларининг бирида бир аёл фарзанд кўрганди.
Изоҳ (0)