Toshkent viloyati Oqqo‘rg‘on tumanida er ayolini o‘lgunicha kaltaklab, vafotiga sababchi bo‘ldi. Bu haqda “Millar” dasturida xabar berildi.
Aniqlanishicha, holat Toshkent viloyatining Oqqo‘rg‘on tumanida sodir bo‘lgan. 1988-yilda tug‘ilgan erkak 2001-yilda tug‘ilgan turmush o‘rtog‘i bilan oilaviy kelishmovchiliklar sababli janjallashgan. Janjal vaqtida erkak ayolini urib tan jarohati yetkazgan.
Jabrlanuvchi Chinoz tuman tibbiyot bo‘limiga murojaat qilgan. Shifokorlar ko‘rsatgan yordamga qaramay, kelin vafot etgan. Marhumaning onasi go‘dak nabirasi endi onasiz qolganini bildirgan.
Jinoyat ishlari bo‘yicha Oqqo‘rg‘on tuman sudining hukmi bilan sudlanuvchi Jinoyat kodeksining 126-moddasi bilan aybli deb topildi. U 12 yilga qamaldi.
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
Izoh (0)