Наманган вилояти Поп тумани ҳокими алмашди. Бу ҳақда вилоят ҳокимлиги хабар берди.
Маълум қилинишича, халқ депутатлари Поп тумани кенгашининг навбатдан ташқари сессияси бўлиб ўтди. Унда ташкилий масала кўрилди. Сессияда Наманган вилояти ҳокими Шавкатжон Абдураззоқов кун тартибидаги масала юзасидан маъруза қилди.
Вилоят раҳбари кейинги йилларда Поп туманида олиб борилган ишлар, эришилган ютуқлар ҳақида тўхталиб, ҳозирга қадар Поп тумани ҳокими вазифасида ишлаб келаётган Аъзамжон Султонов саломатлигига кўра вазифасидан озод этиш ҳақида ариза ёзганини маълум қилди.
Депутатлар Наманган вилояти ҳокимининг Поп тумани ҳокими Аъзамжон Султоновни лавозимидан озод этиш тўғрисидаги қарорини бир овоздан маъқуллади. Унга миллий урф-одатларга кўра ҳурмат-эътибор кўрсатилди.
Сессияда ҳудудни ривожлантириш, одамларнинг бугунидан рози бўлиб яшашларига эришиш учун амалга оширилиши лозим бўлган долзарб вазифалар белгилаб берилди. Бу ишларни амалга ошириш учун туманга янги ҳоким зарур.
Депутатлар Наманган вилояти ҳокимининг Ғуломжон Муродхўжаевни Поп тумани ҳокими этиб тайинлаш тўғрисидаги қарорини бир овоздан тасдиқлади.
Ҳокимликка тайинловлар:
Изоҳ (0)