Қашқадарёда “жиҳодчилар” оқимининг 8 нафар аъзоси турли муддатларга қамалиши, Хоразмда металлоломга топширилган снаряд портлаб кетиши оқибатида бир киши вафот этиши, Фарғонада Nexia ҳайдовчиси босиб кетган велосипеддаги 12 ёшли бола вафот этиши – “Дарё” нашри 23 майда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Қашқадарёда “жиҳодчилар” оқимининг 8 нафар аъзоси турли муддатларга қамалди
Улар ўз яшаш хонадонларида йиғилишлар ўтказиб, “халифалик давлати” барпо этиш масалаларини муҳокама қилган.
Ангренда 4 нафар ўқувчи битирув кечаси учун ўғрилик қилди
Улар процессуал тартибда ушланди, жиноят иши қўзғатилган.
“Сўнгги қўнғироқ” тадбирларида хавфсизлик учун ҳуқуқ-тартибот ходимлари ва ҳарбий хизматчилар жалб этилади
ЙПХ инспекторлари кучайтирилган тартибда ишлайди.
UzAutoMotors Cobalt Midnight қиммат нархда сотилаётганини рад этди
Компания дилерлик марказлари автомобилларга мустақил равишда нарх белгилаш ҳуқуқига эга эмаслигини билдирди.
Термиз шаҳрига янги ҳоким тайинланди
Сурхондарёнинг Музработ туманига ҳам янги ҳоким тайинланди.
Сурхондарёда гиёҳвандлик воситасини 20 минг долларга сотишга уринган 4 киши қамоққа олинди
Тошкент, Фарғона вилоятларида ҳам гиёҳвандлик воситалари ортидан 4 кишига жиноят иши қўзғатилди.
“Ҳар бир бола ўзини ҳимоя остида, эътибор ва меҳр-муҳаббат қамровида ҳис этсин” — Шаҳноза Мирзиёева
Болаларни зўравонликдан ҳимоя қилиш бўйича 10 йиллик стратегия ва ҳаракатлар режаси тақдим этилади.
Тошкентда йигит кўчада, одамлар олдида танишини пичоқлади
ИИББ ҳолат юзасидан маълумот бериб, ҳодиса сабабини очиқлади.
Ўзбекистон газ ва олтин экспортини кескин оширди
Энг катта олди-сотди Хитой ва Россия билан амалга оширилмоқда.
Хоразмда ичимлик ва оқова сув хизматлари нархи оширилади
Тегишли ташкилот янги нархларни эълон қилди.
Хоразмда металлоломга топширилган снаряд портлаб кетиши оқибатида бир киши вафот этди
Ҳозирда мазкур ишни ҳарбий прокуратура ўрганаётгани айтилмоқда.
Фарғонада Nexia ҳайдовчиси босиб кетган велосипеддаги 12 ёшли бола вафот этди (видео)
Машинани юқори тезликда бошқарган ҳайдовчига ҳукм ўқилди.
Тошкентда автобус кутаётган йигитни бекат босиб қолди (видео)
Ҳолатга ухлаб қолган ҳайдовчининг бекатни бузиб ўтгани сабаб бўлгани айтилмоқда.
Президент мактабларни битираётган йигит-қизларга табрик йўллади
Бу йил 450 минг нафардан ортиқ ёшлар мактабларни битирмоқда.
Чўпонлар қазиб олган: Мудофаа вазирлиги металлоломда портлаган снаряд ҳақида маълумот берди
Мазкур турдаги снаряд Ўзбекистон Қуролли Кучларида мавжуд эмаслиги айтилган.
Халқаро фан олимпиадалари ғолиб ва совриндорлари учун пул мукофоти 5 карра оширилди
Нуфузли халқаро олимпиадада 1-ўринни эгаллаган ўқувчиларга 937,5 млн сўм мукофот берилади.
Изоҳ (0)