Фуқароларга ҳурматсизлик қилгани ортидан ишдан кетган Андижон тумани собиқ ҳокими яна раҳбарлик лавозимини эгаллаши, Чилонзор ҳокимлиги “Бешёғоч” бозори ўрнида бизнес-марказ қурилиши ҳақида изоҳ бериши, Uzbekistan Airways самолётида техник носозлик кузатилиши — “Дарё” нашри бугун, 15 январда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистоннинг икки ҳудудида қўлбола алкоголни сотувга қўйганларга жиноят иши қўзғатилди
Тошкент вилоятида қўлбола алкоголь маҳсулотларини ишлаб чиқарувчи яширин корхона аниқланган.
Минг доллардан 1 миллион долларгача: Порахўрликда айбланган ҳоким ва “замҳокимлар”
“Дарё” мазкур мақолада ҳудудларда президент вакили сифатида фаолият юритувчи ҳокимлар ҳамда уларнинг ўринбосарлари олган поралар миқдори ҳақида сўз юритади.
Беларуснинг Ўзбекистондаги янги элчиси тайинланди
Ушбу лавозимни илгари Беларусь саноат вазири биринчи ўринбосари лавозимида ишлаган Александр Огородников эгаллади.
Фуқароларга ҳурматсизлик қилгани ортидан ишдан кетган Андижон тумани собиқ ҳокими яна раҳбарлик лавозимини эгаллади
Маълумот учун, Абдужаббор Эгамбердиев президент топшириғига биноан 2022 йилнинг 27 сентябрь куни давлат хизматчиси этикасига номуносиб хатти-ҳаракатлари, раҳбарлик маданиятини сақламагани, ўтказилган қабулларда фуқароларга ҳурматсизликка йўл қўйгани ва фаолиятидаги бошқа камчиликлари учун Андижон тумани ҳокими лавозимидан озод этилганди.
Ўзбекистонда жойлашган ери ўзгарган тадбиркорлар қайта рўйхатдан ўтказилгани учун энди давлат божи тўламайди
“Давлат божи тўғрисида”ги қонунга қўшимчалар ва ўзгартириш киритилди.
Оқдарё сув омборида ёриқлар пайдо бўлгани рад этилди
Бу ҳақда ёлғон ахборот тарқатганлар жаримага тортилди.
Ўзбекистон ва БАА етакчилари иқтисодий шерикликнинг янги даврини бошлашга келишди
Шавкат Мирзиёев ва Шайх Муҳаммад Ол Наҳаён тор доирада ҳамда расмий делегациялар аъзолари иштирокида музокара ўтказди.
“Ҳеч қандай режа йўқ” — Чилонзор ҳокимлиги “Бешёғоч” бозори ўрнида бизнес-марказ қурилиши ҳақида
Қурилиш ва уй-жой коммунал хўжалиги вазирлиги ҳам бозор ўрнида бизнес-марказ қуриш ҳақидаги хабарлар мутлақо ҳақиқатга тўғри келмаслигини маълум қилди.
Ўзбекистон ва БАА ўртасида Стратегик шериклик ўрнатиш тўғрисида декларация имзоланди
Шунингдек, бир қатор соҳалар бўйича ҳужжатлар имзоланди.
Ўзбекистонда хизмат кўрсатган артист Равшан Жўраев 63 ёшида вафот этди
Актёр “Кўнгил кўчалари” сериалидаги роли орқали кўплаб томошабинлар қалбидан жой олган эди.
Uzbekistan Airways самолётида техник носозлик кузатилди
Авиакомпаниянинг бир нечта авиақатновлари мажбурий кечиктирилади.
Ўзбекистон БАА билан сунъий интеллект борасида мутахассислар тайёрлаш бўйича қўшма лойиҳа амалга ошириши мумкин
Шавкат Мирзиёев БАА вице-президенти Шайх Мансур Ол Наҳаён билан учрашув ўтказди.
Қашқадарёда канализация қудуғини тозалаш учун тушиб, қайтиб чиқолмаган 2 киши қутқарилди
Фуқаролар малакали тиббий ёрдам кўрсатиш мақсадида шифохонага юборилган.
Қаршида вақтинча сақлаш ҳибсхонаси фаолияти тўхтатилди
1 нафар ходим лавозимидан озод этилди ва 9 нафарига интизомий чора кўрилди.
Тожикистондан Ўзбекистонга гиёҳвандлик воситаси олиб кирган шахслар 16 йилга қамалди
Улар 20,7 кг опий гиёҳвандлик воситасини олиб кирган.
Дубайнинг илғор ечимлари Янги Тошкентда замонавий инфратузилмани яратиш доирасида жорий этилиши мумкин
Шавкат Мирзиёев Дубайда БАА вице-президенти, бош вазири Шайх Муҳаммад бин Рошид Ол Мактум билан музокара ўтказди.
Ўзбекистонда 200 минг сўм номиналдаги банкнотлар улуши ошди
Марказий банк томонидан 2024 йили муомалага қўшимча 10,3 трлн сўм нақд пул чиқарилди.
Изоҳ (0)