Ўзбекистонинг учта туманига 7 август куни янги ҳоким тайинланди.
Аҳрор Мансуров Наманган вилоятининг Мингбулоқ тумани ҳокими этиб тайинланди. Туманнинг аввалги ҳокими Нуршод Худойбердиев лавозимидан озод этилди.
Элёрбек Асронқулов Фарғона вилоятининг Фурқат тумани ҳоким бўлди. Тайинловга қадар Ижтимоий ҳимоя миллий агентлигининг Фарғона вилояти бошқармаси бошлиғи лавозимида ишлаб келаётганди.
Камилжан Айтбаев Қорақалпоғистоннинг Тахиатош тумани ҳокими этиб тайинланди. Бунгача у Амударё тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимида фаолият олиб борган.
Шу куни Нурали Жўраев Навоий вилоятининг Ғозғон шаҳри ҳокими этиб тайинланди. 2024 йилнинг июль ойида президент ўтказган йиғилишда фаолиятида тизимли камчиликларга йўл қўйгани учун ишдан олинганди.
Изоҳ (0)