“Пахтакор” клубида бош мураббий ўзгариши, Шавкат Мирзиёев Халқаро атом энергияси агентлиги бош директори билан учрашув ўтказиши, Абдусалом Азизов президент маслаҳатчиси ўринбосари этиб тайинланиши, Халқаро кредит рейтинг агентлигининг Ўзбекистон суверен кредит рейтинги бўйича навбатдаги ҳисоботи — “Дарё” нашри бугун, 4 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда ҳашаротлар туфайли яроқсиз ҳолга келган уй эгаларига бошқа уй-жой берилади
Уй-жойнинг яроқсиз ҳолатга келганлиги комиссия томонидан ўрганилиб, хулоса берилади.
Суд мажлисидан аввал прокурор билан пичирлашган Олий суд судлов ҳайъати ҳаракатига изоҳ беролмади. Судьялар олий кенгаши ҳам бу масалада сукут сақламоқда
“Дарё”да Олий суднинг Иқтисодий ишлар бўйича судлов ҳайъати суд бошланишидан аввал прокурор билан яширин суҳбат қургани, 15 дақиқача давом этган суҳбат тарафларни ташқарида қолдирган ҳолда амалга оширилгани учун жавобгар ва унинг адвокати эътирозига сабаб бўлгани хабар берилганди.
“Пахтакор” клубида бош мураббий ўзгарди. Собиқ мураббий Шацких ҳам клубда фаолиятини давом эттиради
Португалиялик мутахассисга 4 нафар ҳамюрти ёрдам беради.
Тошкентда шеригини ўлдирган юк ташувчи эркак 15 йилга қамалди
Маълум бўлишича, жорий йилнинг 12 июнь куни Food City бозорида юк ташувчи бўлиб ишлаган Ниёзбек шеригининг таклифига биноан иш вақтида биргаликда спиртли ичимлик ичган ва ўрталарида зиддият юзага келиб, ўзаро жанжаллашган.
Ўзбекистон Қишлоқ хўжалиги вазирлиги ҳудудий раҳбарлари ҳоким ўринбосари лавозимини эгаллайди
Қишлоқ хўжалиги соҳасида давлат бошқаруви янада такомиллаштирилади.
Қашқадарё картошка, мева, парранда гўшти ва тухум бўйича ўзини ўзи тўлиқ таъминлашга ўтади
Президент вилоятда озиқ-овқат хавфсизлигини таъминлаш, инвестицияларни кўпайтириш, камбағалликни қисқартириш юзасидан йиғилиш ўтказди.
Ўзбекистонда қурилиш майдонларида атмосфера ҳавоси талабларини бузганлар жаримага тортилиши мумкин
Қурилиш ташкилотлари мансабдорлари жавобгарлигини белгилаш таклиф этилмоқда.
Шавкат Мирзиёев Халқаро атом энергияси агентлиги бош директори билан учрашув ўтказди. Нималар муҳокама қилинди?
Тинч атом соҳасини ривожлантириш бўйича ҳамкорликни кенгайтириш юзасидан қўшма “йўл харитаси”ни қабул қилиш юзасидан келишувга эришилди.
Драматург ва ёш режиссёрлар учун мукофот таъсис этилади
Ёшларнинг театрларга доимий ташрифларини назарда тутувчи “Театр — ибратхонадир” дастури амалга оширилади.
Абдусалом Азизов президент маслаҳатчиси ўринбосари этиб тайинланди
Музаффар Камилов президентнинг дин ва миллатлараро муносабатлар масалалари бўйича маслаҳатчиси лавозимидан озод этилди.
ЖСТ йўлида: Ўзбекистонни олдинда қандай муаммолар кутади?
Ўзбекистон 2026 йилгача Жаҳон савдо ташкилотига аъзолик марраси томон одимлар экан, дунёдаги геосиёсат Россия-Украина, Исроил-Ғазо можаролари ҳамда Дональд Трампнинг Оқ уйга келиши фонида бошқа йўналишга оғиб бораётгандек туюлмоқда. Ушбу мақолада иқтисодчи, Central Asian University (CAU) профессори Валижон Тўрақулов Ўзбекистон ЖСТ аъзолиги йўлида айни пайтда қайси поғонада кетаётгани ҳамда ЖСТнинг келажакдаги тақдири ҳақида сўзлаб беради.
Хуршид Қорабоев Тошкент вилояти ҳокими ўринбосари этиб тайинланди
У ҳокимнинг қишлоқ ва сув хўжалиги масалалари бўйича ўринбосари бўлди.
Ўзбекистоннинг иқтисодий ўсиши 2025 йилдан 5,5 фоизгача секинлашади – С&П
Халқаро кредит рейтинг агентлиги Ўзбекистон суверен кредит рейтинги бўйича навбатдаги ҳисоботини эълон қилди.
Изоҳ (0)