Давлат раҳбари раислигида ўтказилган видеоселектор йиғилиши, Рақобат қўмитасининг суд орқали Korzinka’дан жарима ундирмоқчи бўлиши, Республика Маънавият ва маърифат маркази сайт ва мобил илова яратиши — “Дарё” нашри бугун, 17 июлда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда олти ойда қанча ҳайдовчи маст ҳолатда транспорт воситасини бошқаргани учун жазога тортилгани очиқланди
Январь—июнь ойлари давомида мамлакатда 222 мингдан ортиқ шахсга нисбатан маъмурий жазолар қўлланилган.
Ўзбекистонда қишлоқ хўжалигига мўлжалланган ерларни қайта ижарага беришга рухсат этилади
Ер участкаларини ижарага бериш тартибини такомиллаштиришга қаратилган қонун лойиҳаси қабул қилинди.
ОТБ Ўзбекистондаги туғуруқ марказларини яхшилаш учун 100 млн доллар ажратади
Ушбу маблағлар ҳисобига мамлакат бўйлаб 230 га яқин перинатал марказлар модернизация қилинади.
Тошкент шаҳри ва Навоий вилоятида ногиронликни белгилашнинг янги тартиби эксперимент тариқасида ишга туширилади
“Инсон” марказлари ходимлари томонидан 18 ёш ва ундан катта шахсларнинг функсионаллигини баҳолаш тартиби жорий этилади.
Соғлиқни сақлаш вазирлигида вазир маслаҳатчиси лавозими жорий этилади
У ногиронлиги бўлган шахсларга тиббий хизматлар кўрсатиш жараёнини мувофиқлаштириш билан шуғулланади.
Ўзбекистонда 2024 йилнинг биринчи олти ойида ЯИМ 6,4 фоизга кўпайди — Шавкат Мирзиёев
Бюджет даромадлари ҳам 113 трлн сўмга етиб, 14 фоизга ўсди.
Президент бош вазирнинг 11 та туман ва шаҳар ҳокимларини ишдан олиш таклифини қўллаб-қувватлади
Яна 28 та туман-шаҳар ҳокимига нисбатан интизомий жазо чоралари кўрилади.
Шавкат Мирзиёев тадбиркорларни ортиқча тўлов қилишга мажбурлаётган барча ҳоким ва солиқчиларни қатъий огоҳлантирди
Президент Бош прокуратурага бу масалани алоҳида назоратга олишни топширди.
Президент солиқ тушумларида ўсиш паст бўлган ҳудудларга ажратилган ресурслар самарасини таҳлил қилишни топширди
Таҳлил якунларига кўра ушбу ҳудудлар ҳокимининг биринчи ўринбосари ва солиқ раҳбарлари фаолиятига баҳо берилади.
Қурилиш ва уй-жой коммунал хўжалиги вазири Ботир Зокиров лавозимидан озод этилди
Вазирнинг биринчи ўринбосари Шерзод Ҳидоятов вазир вазифасини бажарувчи этиб тайинланди.
Янги Тошкент ҳудудига ўтаётган маҳаллалар сони маълум бўлди
Вилоятнинг 20 мингга яқин кўчмас мулк объектлари Янги Тошкент ҳудудига ўтмоқда.
“5 ойда 65 нафар ўқувчи ўлими…”: йўллар пиёдалар учун қачон хавфсиз бўлади?
Ўзбекистон йўлларида пиёдалар, айниқса, болаларнинг қурбон бўлиши одатий ҳолга айланмоқда. Ушбу фожиани қандай тўхтатиш мумкин? “Дарё” мутахассислар билан ана шу мавзудаги зарур тавсияларни тўплади.
Рақобат қўмитаси суд орқали Korzinka’дан жарима ундирмоқчи
Супермаркетлар тармоғининг маълум қилишича, қўмита хабарида кўрсатилган қонунбузарликларни бартараф этиш бўйича кўрсатмалар компанияга тақдим этилмаган.
Саида Мирзиёева Қатарнинг Ўзбекистондаги элчиси билан учрашув ўтказди
Мулоқотда таълим ва маданият соҳаларида қўшма лойиҳаларни амалга ошириш истиқболлари муҳокама қилинди.
Рейтинг ишлаб олган Трамп, 30 йилда миллионер бўлиш сири, қулаётган автомобиль бозори: ижтимоий тармоқларда нима гап?
17 июлда эълон қилинган қизиқарли постлар жамланмаси.
Республика Маънавият ва маърифат маркази сайт ҳамда мобил илова яратилиши ҳақидаги хабарга муносабат билдирди
Танловларда иштирок этиш хоҳишини билдирган иштирокчилар орасидан ғолибни танлаш электрон шаклда ўтказилган.
“Ижтимоий тармоқларда, матбуотда фейк ва дезинформацияларнинг сони ортиб бораётганлигига гувоҳ бўляпмиз” – Комил Алламжонов
Президент администрацияси Ахборот сиёсати департаменти раҳбари давлат ва нодавлат теле, радиоканаллар ҳамда бошқа ОАВ раҳбарлари билан учрашув ўтказди.
Изоҳ (0)