Алишер Қурбонов 25 сентябрь куни Сурхондарё вилоятининг Музработ туманига ҳоким этиб тайинланди. Бу ҳақда вилоят ҳокимлиги матбуот хизмати хабар берди.
Қайд этилишича, 2022 йил сентябридан буён туман ҳокими вазифасида ишлаб келган Абдурашид Исмаилов бошқа ишга ўтиши муносабати билан лавозимидан озод этилди.
Алишер Қурбонов 1973 йилда Музработ туманида туғилган. 1995 йилда Тошкент қишлоқ хўжалиги институтини, 2005 йилда Тошкент давлат юридик институтини тамомлаган.
Фаолияти давомида Ички ишлар органларида турли лавозимларда ҳамда хусусий секторда меҳнат қилган. Тайинловга қадар Алишер Қурбонов “Амирқулбобо КАА” фермер хўжалиги раҳбари бўлиб фаолият юритиб келаётган эди.
Изоҳ (0)