Европа Лигаси ҳал қилувчи баҳсида “Тоттенҳэм” “Манчестер Юнайтед” устидан 1:0 ҳисобида ғалаба қозонди. Учрашув тақдирини ягона гол ҳал қилди. Натижада, “Тоттенҳэм” нафақат нуфузли совринни қўлга киритди, балки кейинги мавсум УЕФА Чемпионлар Лигаси гуруҳ босқичида қатнашиш ҳуқуқини ҳам қўлга киритди.
Ушбу натижадан сўнг Чемпионлар Лигаси гуруҳ босқичида қатнашадиган 24 та клуб номи маълум бўлди:
Англия: “Тоттенҳэм”, “Ливерпуль”, “Арсенал”
Италия: “Наполи”, “Интер”, “Аталанта”
Испания: “Барселона”, “Реал Мадрид”, “Атлетико”, “Атлетик Бильбао”, “Вильярреал”
Германия: “Бавария”, “Байер”, “Айнтрахт”, “Боруссия Дортмунд”
Франция: “ПСЖ”, “Марсель”, “Монако”
Нидерландия: “ПСВ”, “Аякс”
Португалия: “Спортинг” (Лиссабон)
Туркия: “Галатасарой”
Чехия: “Славия”
Европа Чемпионлар Лигаси гуруҳ босқичига 25 та жамоа ўз миллий чемпионатларидаги ўринлари орқали тўғридан-тўғри йўлланма олади. Бундан ташқари, Чемпионлар Лигаси ва Европа Лигаси ғолиблари ҳам турнирда қатнашиш ҳуқуқига эга бўлади.
Агар ушбу мусобақалар ғолиблари ўз ички чемпионатларида ҳам гуруҳ босқичига тўғридан-тўғри йўлланма олган бўлса, унда мувозанатни тиклаш талаб қилинади. У ҳолатда ўша чемпионатда кейинги ўринларни қўлга киритган жамоага ЕЧЛ чиптаси насиб қилади. Жорий мавсумда бу вазият Чемпионлар Лигасида кузатилади. Чунки финалчилар “ПСЖ” ҳам, “Интер” ҳам ички чемпионатлар орқали аллақчон мусобақа йўлланмасига эга чиққан.
Яна икки ўрин Европадаги энг яхши натижаларга (European Performance Spots) асосланиб тақсимланади, қолган етти жамоа эса саралаш босқичлари орқали гуруҳ босқичига йўл олади.
Изоҳ (0)