Европа Чемпионлар Лигасида 16 декабрь, душанба куни 1/8 финал жуфтликлари номи маълум бўлди.
«Дарё» мазкур қарама қаршиликлар борасидаги қизиқарли факт ва статистикаларни тақдим этади.«Боруссия Дортмунд» — ПСЖ
Томас Тухель мураббий сифатида «Боруссия Дортмунд»га қарши 6марта тўқнаш келган ва уларнинг барчасида мағлуб бўлган.
Бу икки клуб ўзаро икки бор тўқнаш келган. Чемпионлар Лигасининг 2010/11 йилги мавсуми гуруҳ босқичидаги икки ўйин ҳам дуранг билан якун топган (1:1, 0:0).
Париж клуби Еврокубоклар доирасида немис клубларига қарши кечган сўнгги саккиз ўйиннинг фақат биттасида мағлуб бўлган (5 та ғалаба, 2 та дуранг)«Реал Мадрид» — «Манчестер Сити»
Пеп Гвардиола мураббий сифатида энг кўп (17 марта) тўқнаш келган жамоа — «Реал». Уларда мутахассис 9 ғалаба, 4 мағлубият ва 4 та дуранг қайд этган. Бироқ Гвардиола «Реал»га қарши сўнгги 3 та ўйинда мағлубиятга учраган.
«Реал» ва «Манчестер Сити» Чемпионлар Лигасида жами 4 марта ўзаро баҳс юритган, уларнинг 2 тасида мадридликларнинг қўли баланд келган бўлса, яна 2 ўйинда дуранг қайд этилган.
«Аталанта» — «Валенсия»
«Аталанта» илк бор Чемпионлар Лигаси гуруҳ босқичида иштирок этиб, мусобақа плей-оффига йўлланма олди. Бундан ташқари, бергамоликлар дастлабки 3 та турда ютқазиб плей-оффга йўл ола билган илк клубга айланди.«Валенсия» Чемпионлар Лигаси плей-офф босқичида италян жамоалари билан 3 бор тўқнаш келиб, уларнинг иккитасида кейинги босқичга йўл олган«Атлетико Мадрид» — «Ливерпуль»
«Ливерпуль» «Атлетико» билан 2010 йил Европа Лигаси ярим финалида тўқнаш келган ва меҳмондаги гол эвазига мағлуб бўлган (0:1, 2:1).
Диего Симеоне мураббийлик фаолияти давомида илк бор Юрген Клопп жамоасига қарши баҳс олиб боради.
Германиялик мутахассис «Ливерпуль» билан Еврокубокларда икки ўйинлик баҳсларнинг (плей-офф) ҳали бирортасини бой бермади.«Челси» — «Бавария»
«Челси» 2012 йил Чемпионлар Лигаси финалидан бери илк бор «Бавария» билан тўқнаш келмоқда. Ўшанда «Челси» мюнхенликларни пенальтилар сериясида 4:3 ҳисобида енгиб, мусобақа чемпиони бўлади. «Кўклар»нинг айни дамдаги устози Фрэнк Лэмпард эса ўшанда жамоа сардори эди.
Бундан ташқари бу икки жамоа Чемпионлар Лигасида яна икки бор тўқнаш келган. 2004/05 йилги мавсумда «Челси» икки ўйин натижасига кўра (4:2, 2:3) «Бавария»ни мусобақадан чиқариб юборганди.
«Лион» — «Ювентус»
«Ювентус» Еврокубокларда «Лион» билан 4 марта ўйнаган ва уларнинг бирортасида ютқазмаган (3 ғалаба, 1 дуранг).«Тоттенҳэм» — «Лейпциг»
«Тоттенҳэм» Чемпионлар Лигаси доирасида немис клубларига қарши 10 марта тўқнаш келган (5 ғалаба, 2 дуранг ва 3 мағлубият). Бироқ «шпорлар» «Лейпциг» билан илк бор ўйнайди.Жозе Моуриньо «Порту» билан Чемпионлар Лигасида ғолиб чиққан пайтда немислар устози Юлиан Нагелсманн 16 ёшда эди.«Наполи» — «Барселона»
Бу икки жамоа расмий ўйинларда ҳеч қачон тўқнаш келмаган.
«Барселона» Чемпионлар Лигаси доирасида сўнгги 7 та плей-офф босқичидан 4 тасида Италия клубларига қарши тўп сурган. Жумладан, 2017 йилда «Ювентус», 2018 йилда «Рома» «Барселона»ни мусобақадан чиқариб юборган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)