Мадриднинг “Реал” клуби УЕФА Чемпионлар Лигаси 2024/25 йилги мавсумининг чорак финал босқичидаги илк учрашувда “Арсенал”га 0:3 ҳисобида имкониятни бой берди. Бу натижа “қироллик клуби” учун сўнгги 16 йилдаги энг ёмон кўрсаткичлардан бирига айланди. Бу ҳақда Opta Sport нашрига таяниб Championat хабар бермоқда.
Манбага кўра, “Реал Мадрид” 2009 йил мартидан буён илк бор Чемпионлар Лигаси доирасида кетма-кет икки ўйинда гол ура олмади. Ўшанда, 1/8 финал босқичида Хуан де Рамос бошчилигидаги мадридликлар “Ливерпуль”га дастлаб ўз майдонида 0:1, сўнгра сафарда 0:4 ҳисобида ютқазган эди. “Арсенал”га қарши баҳсда бу антирекорд такрорланди.
Эслатиб ўтамиз, “Реал” 1/8 финал босқичи жавоб ўйинининг асосий ва қўшимча бўлимларида “Атлетико”га 0:1 ҳисобида мағлуб бўлганди. Бироқ пенальтилар сериясида 4:2 ҳисобида устун келиб, кейинги босқичга йўл олган эди.
Маълумот учун, ушбу жамоалар ўртасидаги жавоб баҳси 16 апрелдан 17 апрелга ўтар кечаси Мадридда бўлиб ўтади. Учрашув Тошкент вақти билан 00:00 да бошланади.
Изоҳ (0)