Чемпионлар Лигаси ярим финал босқичи жавоб учрашуви доирасидаги “ПСЖ” — “Арсенал” ўйини 7 май, чоршанба куни бўлиб ўтди. Қизиқарли ва кескин курашлар остида ўтган баҳсда парижликлар 2:1 ҳисобида ғалаба қозониб, иккинчи финалчига айланди.
Учрашувдаги ҳисоб 27-дақиқада Фабиан Руис томонидан очилди — 1:0. Биринчи таймда бошқа гол киритилмади.
72-дақиқада Ашраф Ҳакими парижликларнинг иккинчи голини киритиб, финал йўлланмаси учун катта қадам ташлади. Орадан 4 дақиқа ўтиб, Букайо Сака ҳисобни қисқартиришни уддалади — 2:1.
Мазкур натижа баҳс охиригача ўзгармади ва “ПСЖ” иккинчи финалчига айланди. Ҳал қилувчи баҳсда Луис Энрике жамоаси “Интер” билан куч синашади. Финал 30 май оқшомида бўлиб ўтади.
УЕФА Чемпионлар Лигаси
Ярим финал, жавоб учрашуви
7 май, чоршанба
“ПСЖ” — “Арсенал” 2:1 (биринчи учрашув — 1:0)
Голлар: 1:0 — Руис (27), 2:0 — Ҳакими (72), 2:1 — Сака (76)
Изоҳ (0)