Европа Чемпионлар Лигасининг гуруҳ босқичи якунланди ва 1/8 финалга йўл олган барча жамоа номи маълум бўлди.
Ўз гуруҳида ғолибликни қўлга киритган жамоалар биринчи саватчадан ўрин олди. Булар: «Барселона», «Бавария», «Ювентус», «Лейпциг», «Ливерпуль», «Манчестер Сити», ПСЖ ва «Валенсия».
Иккинчи ўрин эгалари эса иккинчи саватчага жойлаштирилди: «Боруссия» Дортмунд, «Челси», «Лион», «Наполи», «Реал Мадрид», «Атлетико», «Тоттенҳэм» ва «Аталанта».
Чемпионлар Лигаси плей-офф босқичига 16 декабрь, душанба куни қуръа ташланади. Қуръа шартларига кўра, 1/8 финалда битта мамлакат вакиллари ва бир гуруҳда ўйнага жамоалар ўзаро тўқнаш келмайди. Биринчи саватча вакиллари жавоб ўйинини ўз уйида ўтказади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!