Mundo Deportivo нашри янги форматда ўтаётган ЕЧЛда қайси клуб кўп маблағ ишлаб топгани ҳақида маълумот берди.
Қайд этилишича, айни вақтда 1/8 финал якунлари орқали “Бавария”иннг энг кўп маблағ ишлаб топган – 106 млн евро.
Кейинги ўринларда “ПСЖ” (104,4 млн евро), “Интер” (103,1 млн), "Боруссия Дортмунд" (102,2 млн), “Арсенал” (102 млн), “Барселона” ва "Реал Мадрид" (101 млндан) қайд этилган.
УЕФА расмий сайти яқин ҳафталарда ушбу маълумотларни тасдиқлаши кутилмоқда.
Турнирга қанча маблағ ажратилган?
Маълумотларга кўра, жорий мавсум учун 2,47 млрд евро ажратилган. Ҳар бир клуб гуруҳ босқичида иштироки учун 18,8 млн евродан ишлаб топган. Ҳар бир ғалаба учун 2,1 млн евро, дуранг учун эса 700 минг евродан ажратилган.
1/8 финалга чиққан жамоаларда 11 млн евродан, чорак финалга чиқадиганларга эса 12,5 млн евродан, ярим финалга 15 млн евродан, финалдаги иштироки учун эса 18,5 млн евродан маблағ ажратилади.
Ҳал қилувчи баҳсда ғолиб бўладиган жамоага эса 6,5 млн евро тақдим қилинади. Шу орқали ЕЧЛ ғолиби энг кўпи билан 200 млн евро ишлаб олиши мумкин.
Изоҳ (0)