5 март, сешанба куни футбол бўйича Европа Чемпионлар Лигаси 1/8 финалининг дастлабки 2 та жавоб учрашуви бўлиб ўтади.
Люсен Фавр қўл остидаги «Боруссия Дортмунд» клуби ўз майдонида Маурисио Почеттино бошлиқ Лондоннинг «Тоттенҳэм» жамоаси билан мусобақа чорак финал йўлланмаси учун жанг қилади.
Эслатиб ўтамиз, дортмундликлар мазкур босқичнинг Лондонда кечган баҳсида «шпорлар»га йирик ҳисобда мағлуб бўлганди (0:3).
Шу куни «Барселона»га кетма-кет иккита баҳсда ютқазган Мадриднинг «Реал» клуби «Сантьяго Бернабеу»да Амстердамнинг «Аякс» жамоаси билан жанг қилади. Иккала учрашув ҳам Тошкент вақти билан тунги соат 01:00 да старт олади.
Маълумот учун, Нидерландия пойтахтида бўлиб ўтган беллашувда «Қироллик клуби» амстердамликларни кичик 2:1 ҳисобида мағлубиятга учратганди.
ЕЧЛ
1/8 финал баҳслари
5 март, сешанба
«Боруссия Дортмунд»—«Тоттенҳэм» (0:3) 01:00
«Реал Мадрид»—«Аякс» (2:1) 01:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)