Машҳур немис мутахассиси Юрген Клопп катта футболга мураббий сифатида қайтиши кутилмоқда. Ла Стампа нашрининг хабарига кўра, Клопп Италия А Серияси клуби — “Рома” билан келишувга эришган.
-r9w7PIcM.avif)
Манбада айтилишича, Клопп жорий мавсум якунида Рим клуби бош мураббийи лавозимини тарк этадиган Клаудио Ранерининг ўрнини эгаллайди. Маълумки, Клопп 2025 йил бошидан буён Red Bull компаниясининг футбол тизимида ишламоқда, бироқ немис мутахассиси бу фаолиятини тўхтатиб, ўзининг асосий касбига — мураббийликка қайтишга қарор қилган.
Эслатиб ўтамиз, Юрген Клопп 2024 йил ёзида “Ливерпуль”ни тарк этган эди. У “Энфилд”да 9 йилга яқин фаолият юритиб, клуб билан биргаликда Чемпионлар лигаси, Англия Премьер Лигаси ва бошқа совринларни қўлга киритган.
Айни дамда “Рома” Италия чемпионати турнир жадвалида 5-ўринни эгаллаб турибди. “Бўрилар” кейинги мавсум Чемпионлар Лигаси йўлланмаси учун кураш олиб бормоқда. Римликлар ҳисобида 66 очко бор. Агар чемпионатнинг охирги турида “Рома” “Торино”ни мағлуб этса ҳамда “Ювентус” “Венеция”га қарши баҳсда очко йўқоца, пойтахт клуби ЕЧЛ чиптасига эга чиқиши мумкин.
Изоҳ (0)