Yevropa Ligasi hal qiluvchi bahsida “Tottenhem” “Manchester Yunayted” ustidan 1:0 hisobida g‘alaba qozondi. Uchrashuv taqdirini yagona gol hal qildi. Natijada, “Tottenhem” nafaqat nufuzli sovrinni qo‘lga kiritdi, balki keyingi mavsum UEFA Chempionlar Ligasi guruh bosqichida qatnashish huquqini ham qo‘lga kiritdi.
Ushbu natijadan so‘ng Chempionlar Ligasi guruh bosqichida qatnashadigan 24 ta klub nomi ma’lum bo‘ldi:
Angliya: “Tottenhem”, “Liverpul”, “Arsenal”
Italiya: “Napoli”, “Inter”, “Atalanta”
Ispaniya: “Barselona”, “Real Madrid”, “Atletiko”, “Atletik Bilbao”, “Vilyarreal”
Germaniya: “Bavariya”, “Bayer”, “Ayntraxt”, “Borussiya Dortmund”
Fransiya: “PSJ”, “Marsel”, “Monako”
Niderlandiya: “PSV”, “Ayaks”
Portugaliya: “Sporting” (Lissabon)
Turkiya: “Galatasaroy”
Chexiya: “Slaviya”
Yevropa Chempionlar Ligasi guruh bosqichiga 25 ta jamoa o‘z milliy chempionatlaridagi o‘rinlari orqali to‘g‘ridan-to‘g‘ri yo‘llanma oladi. Bundan tashqari, Chempionlar Ligasi va Yevropa Ligasi g‘oliblari ham turnirda qatnashish huquqiga ega bo‘ladi.
Agar ushbu musobaqalar g‘oliblari o‘z ichki chempionatlarida ham guruh bosqichiga to‘g‘ridan-to‘g‘ri yo‘llanma olgan bo‘lsa, unda muvozanatni tiklash talab qilinadi. U holatda o‘sha chempionatda keyingi o‘rinlarni qo‘lga kiritgan jamoaga YCHL chiptasi nasib qiladi. Joriy mavsumda bu vaziyat Chempionlar Ligasida kuzatiladi. Chunki finalchilar “PSJ” ham, “Inter” ham ichki chempionatlar orqali allaqchon musobaqa yo‘llanmasiga ega chiqqan.
Yana ikki o‘rin Yevropadagi eng yaxshi natijalarga (European Performance Spots) asoslanib taqsimlanadi, qolgan yetti jamoa esa saralash bosqichlari orqali guruh bosqichiga yo‘l oladi.
Izoh (0)