Кейт Уинслетнинг 25 ёшли қизи Миа Триплтон илк бор 78-сонли Канн кинофестивалида иштирок этди. У бош ролни ижро этган “Финикия схемаси” фильмининг премераси учун ташриф буюрди.
Ёш актриса тадбирга Oscar de la Renta брендининг зумрад рангли либосида намоён бўлди. Интернет фойдаланувчилари ушбу либос 1998 йилда “Оскар” мукофотига ташриф буюрганида онаси Кейт кийган кўйлакка жуда ўхшашлигини пайқашди.
Кинофестивалдаги чиқишдан сўнг ижтимоий тармоқларда қизғин муҳокамалар бошланди. Баъзилар Миа онасига жуда ўхшаш деб ёзса, бошқалар бу фикрга қўшилмади. Яна бир гуруҳ фойдаланувчилар эса уни nepo baby авлоди (машҳур ота-онаси туфайли танилмоқчи бўлганлар) дея танқид қилиб, бу каби актрисалар истеъдодлари туфайли эмас, балки машҳур ота-оналари орқали кино саноатига кириб келаётганини қоралашди.
Уэс Андерсонга тегишли фильмидаги образ Триплтон карьерасидаги илк рол эмас. Актриса аллақачон камида саккизта лойиҳада, жумладан “Қиролича ўйини”, “Сенсация” ва “Версал романтикаси” (дебют) каби фильмларда суратга тушган.
Эслатиб ўтамиз, 1998 йилда Кейт Уинслет режиссёр Жим Триплтон билан турмуш қурган. 2000 йилда жуфтликнинг оиласида қиз фарзанд дунёга келган ва унга Миа деб исм қўйишган. Орадан бир йил ўтиб, Кейт ва унинг турмуш ўртоғи Жим ажрашишга қарор қилган.
Изоҳ (0)