Янги сериаллар ҳар доим томошабинларда қизиқиш уйғотади. Айниқса, бу лойиҳалар машҳур актёрлар иштирокида ёки Marvel каби гигант студияларнинг навбатдаги иши бўлса. Қуйида 2025 йилда чиқиши кутилаётган энг қизиқарли сериаллар ҳақида сўз боради.
1. “Чад Пауэрс” (Chad Powers)
Жанр: Комедия, спорт
Премьера санаси: 2025 йил 30 сентябрь
Режиссёр: Тони Яченда
Бош ролда: Глен Пауэлл
Футбол ҳақида ҳикоя қилувчи бу сериал аввалроқ собиқ футболчи Эли Маннинг томонидан яратилган кулгили скетч асосида суратга олинган. Глен Пауэлл бош қаҳрамон сифатида Chad Powers образини гавдалантиради, у янги исм остида бошқа жамоага ўтиб, спорт карьерасини тиклашга уринади.
2. “Темир юрак” (Iron heart)
Жанр: Супер қаҳрамонлик, илмий-фантастика
Премьера санаси: 2025 йил 24 июнь
Режиссёрлар: Сем Бэйли, Анжела Барнес
Бош ролда: Доминик Торн
Marvel Studios’нинг навбатдаги мини-сериали “Темир юрак” номи билан чиқади. Унда талаба қиз Рири Уильямс ўзининг технологик костюмини яратади ва Темир одам сифатида танилади. Marvel мухлислари учун бу сериални ўтказиб юбормаслик тавсия этилади.
3. “Қотил-бот” (Murderbot)
Жанри: Илмий-фантастик, триллер
Премьера санаси: 2025 йил 16 май
Режиссёрлар: Крис Вайц, Пол Вайц
Бош ролда: Александр Скарсгард
Android қўриқчилар одамларни турли таҳдидлардан ишончли ҳимоя қилиб, космик экспедицияларнинг ҳамроҳига айланади, аммо шундай андроидлардан бири хавфсизлик тизимини бузиш туфайли тўсатдан онгли ва эркин ботга айланади. Энди у хавфли вазифаларни бажаришда давом этиб, янги қобилиятларини синаб кўра бошлайди. Сериал сунъий интеллект, одамлар билан роботлар ўртасидаги мураккаб муносабатлар ҳақидадир.
4. “Барчаси адолатдан” (All’s Fair)
Жанр: Драма, ҳуқуқ
Премьера санаси: 2025 йил куз
Режиссёр: Райан Mёрфи
Бош ролларда: Ким Кардашьян, Наоми Уотц, Холли Берри, Гленн Клоуз, Теяна Тейлор
Лос Анжелесдаги ажримлар билан шуғулланувчи юрист аёллар жамоаси ҳақида ҳикоя қилувчи сериалда Ким Кардашьян ўзининг актрисалик маҳоратини синамоқда. Сериалда муҳим ижтимоий мавзулар ва ҳар бир қаҳрамонга оид турфа муаммолар кўтарилади.
5. “Газета” (The Paper)
Жанр: Комедия
Премьера санаси: 2025 йил сентябрь
Режиссёрлар: Грег Дениелс, Майкл Коман
Бош ролларда: Донал Глисон, Сабрина Импаччиаторе
Бу лойиҳа “Офис” сериали услубида суратга олинган бўлиб, унда газета таҳририяти атрофида содир бўладиган вазиятларни кўрсатади. Ўз вақтида муваффақиятсизликка учраган ноширлик жамоаси таҳририятни қайта жонлантиришга ва мамлакатда кенг танитишга ҳаракат қилади.
6. “Декстер: Қайта тирилиш” (Dexter: Resurrection)
Жанри: Триллер, криминал
Премьера санаси: 2025 йил 11 июль
Режиссёр: Клайд Филлипс
Бош ролда: Майкл Си Ҳолл
Мазкур мини сериал “Декстер” телесериалининг навбатдаги давоми бўлиб, Paramount+ with Showtime платформасида премераси бўлиши режалаштирилган. Сериалда Декстер Морган ўғли Ҳаррисон томонидан ўлдирилган деб ҳисобланади, аммо янги сериалда у омон қолгани аниқланади. У оғир яраланган ҳолатда касалхонага етказилади ва ҳаёт учун курашади. Ҳушига келгач, Ҳаррисонни топиш умидида Нью Йорк шаҳрига йўл олади.
Изоҳ (0)