Голливуд юлдузи Анжелина Жоли 78-сонли Канн кинофестивалининг фахрий меҳмони бўлди. Кино оламининг машҳур вакили 14 йиллик танаффусдан сўнг илк бор Канн қизил гиламига қайтди.
InStyle нашри хабарига кўра, Жоли режиссёр Ари Астер томонидан суратга олинган қора комедия жанридаги “Эддингтон” фильмининг премерасида иштирок этди. У аввалги давр Голливуд дресс-коди учун идеал мос бўлган кўркам либосда намоён бўлди. Майда тўрлар кўринишидаги нақшлар ва товланувчи паеткалар билан безатилган бежирим либос Brunello Cucinelli брендининг 2025 йил куз-қиш коллекциясига тегишли. Жоли образини Chopardʼнинг оқ ва сариқ олмосли заргарлик буюмлари тўлдириб турар эди.
Анжелина Канн кинофестивалида сўнгги бор 2011 йилда қатнашган эди. Унда актриса Бред Питтннинг “Ҳаёт дарахти” номли фильм премерасини қўллаб-қувватлаган.
2025 йилги фестивал доирасида Жолига ёш ва иқтидорли актёрлар учун бериладиган махсус Trophée Chopard мукофотини топшириш шарафи насиб этди. Бу йилги ғолиблар француз актрисаси Мари Коломби ва ирланд-британиялик актёр Финн Беннетт бўлди.
“Эддингтон” фильмида Хоакин Феникс, Педро Паскал, Люк Граймс, Остин Батлер ва Эмма Стоун иштирок этган. Стоун премерада Louis Vuitton брендидан танланган нафис либосда иштирок этди.
Изоҳ (0)