Keyt Uinsletning 25 yoshli qizi Mia Triplton ilk bor 78-sonli Kann kinofestivalida ishtirok etdi. U bosh rolni ijro etgan “Finikiya sxemasi” filmining premyerasi uchun tashrif buyurdi.
Yosh aktrisa tadbirga Oscar de la Renta brendining zumrad rangli libosida namoyon bo‘ldi. Internet foydalanuvchilari ushbu libos 1998-yilda “Oskar” mukofotiga tashrif buyurganida onasi Keyt kiygan ko‘ylakka juda o‘xshashligini payqashdi.
Kinofestivaldagi chiqishdan so‘ng ijtimoiy tarmoqlarda qizg‘in muhokamalar boshlandi. Ba’zilar Mia onasiga juda o‘xshash deb yozsa, boshqalar bu fikrga qo‘shilmadi. Yana bir guruh foydalanuvchilar esa uni nepo baby avlodi (mashhur ota-onasi tufayli tanilmoqchi bo‘lganlar) deya tanqid qilib, bu kabi aktrisalar iste’dodlari tufayli emas, balki mashhur ota-onalari orqali kino sanoatiga kirib kelayotganini qoralashdi.
Ues Andersonga tegishli filmidagi obraz Triplton karyerasidagi ilk rol emas. Aktrisa allaqachon kamida sakkizta loyihada, jumladan “Qirolicha o‘yini”, “Sensatsiya” va “Versal romantikasi” (debyut) kabi filmlarda suratga tushgan.
Eslatib o‘tamiz, 1998-yilda Keyt Uinslet rejissyor Jim Triplton bilan turmush qurgan. 2000-yilda juftlikning oilasida qiz farzand dunyoga kelgan va unga Mia deb ism qo‘yishgan. Oradan bir yil o‘tib, Keyt va uning turmush o‘rtog‘i Jim ajrashishga qaror qilgan.
Izoh (0)