Жорий йил 19 май куни соат 19:00 ларда “Юнусобод деҳқон бозори” ҳудудида Жиззах вилояти Пахтакор тумани "Пахтакор" МФЙда рўйхатда туриб, Тошкент вилояти Янгийўл туманида яшовчи, руҳий касал, 1963 йилда туғилган Акром Ҳасанов шу ерда хизматга бириктирилган (шахсини аниқлаш мақсадида у билан суҳбатлашаётганида) сафдор Иззатбек Ибрагимовнинг бўйин қисмига пичоқ билан уриб, жароҳат етказган.
Натижада сафдор Иззатбек Ибрагимов касалхонага ётқизилган, Акром Ҳасанов эса ушланган. Ҳодиса жойига ички ишлар вазири ўринбосари, Тошкент шаҳар ИИББ бошлиғининг ўринбосари, ИИВ ШХББ Тошкент шаҳар бўйича бошқармаси ҳамда шаҳар прокуратураси ходимлари чиққан.
Ҳолат юзасидан шаҳар прокуратураси томонидан терговга қадар текширув ҳаракатлари олиб борилмоқда.
Юнусобод тумани бўйича ИИО ФМБ ППХ инспектори сафдор Ибрагимов Иззатбек Икромбой ўғли
2001 йилда Хоразм вилояти Хива туманида туғилган, миллати ўзбек, маълумоти олий. 2023 йилда Тошкент кимё-технологиялар институти Шаҳрисабз филиалини тамомлаган. Ички ишлар идоралари сафида 2024 йилдан буён хизмат қилиб келмоқда.
Изоҳ (0)