“Халқлар дўстлиги” санъат саройида 10 кунлик концерт дастурини тақдим этаётган Ўзбекистонда хизмат кўрсатган артист Озода Нурсаидова клипи съёмкасида юз берган кўнгилсиз ҳодисага яна бир бор муносабат билдирди.
— Ҳамма нарсани бошлаган, ўша қизни машинага ўтқизган одам, мен йўқ эдим, мен билмабман деб турибди. Тўқмоқ аввалига менинг бошимда синди, у эса ўша ердан чапак чалиб ўзини жиннига солиб турибди. Мен шунақа хулоса қилдимки, бундан кейин, тайини йўқ, нопроффесионал одамларни ҳеч қачон яқинимга йўлатмайман.
— Ҳеч қачон бунақа ўлда-жўлда, санъатга адашиб кириб қолган, на бир касбини тайини йўқ, ҳаром-ҳариш одамларни ўзимга яқинлаштирмайман. Биз мана шунақа одамларнинг касрига қолиб кетдик.
15 май куни Жиноят ишлари бўйича Мирзо Улуғбек тумани судида Озода Нурсаидова қўшиғига клип суратга олинаётганда содир бўлган мудҳиш автоҳалокатнинг суд жараёнлари бошланди.
“Дилбарим” қўшиғига клип суратга олиш жараёнида Сабрина Жабборовани 16 ёшли актриса “Гелик”да босиб кетган эди. Сабрина Тошкент шаҳрида муваффақиятсиз операция қилинган, шундан сўнг бир оёғи калта бўлиб қолган эди. У ўзи билан юз берган воқеа ҳақида ижтимоий тармоқларда сўзлаб берганидан кейин кўнгиллилар томонидан унга жами 367 миллион сўм йиғиб берилган эди. Шундан сўнг актриса Истанбул шаҳрида қайтадан операция қилиниб, тўғри юра бошлади.
Изоҳ (1)
Qilmish qidirmish deb bekorga aytmagan.Yanayam bowlaringa kotarib ollaring...