Тошкент шаҳрида яна бир профилактика инспекторига совуқ қурол билан ҳужум қилинди. Бу ҳақда “Дарё” манбаси хабар қилди.
Манбага кўра, воқеа пойтахтнинг Янгиҳаёт туманида содир бўлган.
Пичоқлаш воқеаси 14 апрель куни соат 16:30 дан кейин бўлди. Ўша куни ИИБ ходими чақирув бўйича воқеа жойига бориб, хизмат вазифасини бажараётган бўлган, — дейди ахборот берувчи манба.
Билдирилишича, ИИБ ходимига пичоқ кўтарган фуқаро муқаддам судланган шахс бўлган.
Айни пайтда “участкавой” 16-шифохона (Республика шошилинч тез тиббий ёрдам илмий маркази)да даволанмоқда. Аҳволи оғирроқ, — дейди у.
Шу йилнинг 8 апрель куни Тошкент вилоятининг Тошкент туманида маҳалла профилактика инспектори пичоқлангани, ҳолат бўйича Жиноят кодексининг 219-моддаси 2-қисми (хизмат вазифасини бажараётган ҳокимият вакилига бурчини бажаришдан воз кечишга, шунингдек, қонунга хилоф ҳаракатлар содир этишга мажбур қилиш) билан жиноят иши қўзғатилгани хабар берилганди.
Изоҳ (0)