Ижтимоий тармоқларда Тошкент вилояти Келес туманида 19 ёшли йигит бир гуруҳ ўсмирлар томонидан пичоқлаб ўлдирилгани ҳақида маълумот тарқалди.
Унда айтилишича, тумандаги болалар майдончаларининг бирида юзага келган жанжал оқибатида бир неча нафар ўсмирлар 19 ёшли йигитни пичоқлаб қочиб кетишган. Йигит зудлик билан шифохонага олиб борилиб, унга тез тиббий ёрдам кўрсатилган. Аммо жароҳати оғир бўлгани учун ўзига келолмай, шифохонада вафот этган.
Бош прокуратура мазкур жиноятни содир этишда гумонланувчи ўсмир қўлга олингани ҳақида маълум қилган.
13 февраль куни туман прокуратураси 2007 йилда туғилган ўсмирни гумонланувчи сифатида Жиноят-процессуал кодексининг 221-моддасига асосан ҳибсга олган.
Унга нисбатан Жиноят кодексининг 97-1-моддаси (“Қасддан одам ўлдириш”) билан жиноят иши қўзғатилган.
Вафот этган йигитнинг онаси "Миллар" дастурига берган интервьюсида жанжалда қатнашганлар кўпчилик бўлгани, улар ўғлига жами 8 марта пичоқ билан зарба берганини маълум қилган.
Хабар берилишича, ҳозирда мазкур ҳолат юзасидан тергов ҳаракатлари олиб борилмоқда.
Изоҳ (0)