“Дарё” нашри бугун, 15 августда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Шавкат Мирзиёев ва Владимир Путин телефон орқали мулоқот қилди
Президент матбуот хизматининг хабар қилишича, суҳбат давомида Ўзбекистон билан Россия ўртасидаги кўп қиррали ҳамкорликни янада кенгайтириш, кенг қамровли стратегик шериклик ва иттифоқчилик муносабатларини чуқурлаштириш масалалари кўриб чиқилди.
Ўзбекистон ҳукумати вазифа ва ваколатларига доир қатор ўзгартиришлар кўзда тутилган қонун маъқулланди
Вазирларнинг турли йўналишлар бўйича масъулияти ва шахсий жавобгарлиги кучайтирилмоқда.
Ўзбекистон Сенатининг 15 август кунги 55-ялпи мажлисида “Тадбиркорлик кодексини тасдиқлаш тўғрисида”ги қонун кўриб чиқилиб, маъқулланди.
Қонун билан тасдиқланаётган Тадбиркорлик кодексида 100 дан ортиқ қонунчилик ҳужжатларини унификация қилиш назарда тутилган бўлиб, унинг асосий мақсади тадбиркорлик соҳасидаги муносабатларни тартибга солишдан иборат.
Собиқ уй-жой коммунал хўжалиги вазири етти йилга қамалди
2017 йилдан 2021 йилгача уй-жой коммунал хўжалиги вазири, 2021 йилдан 2023 йилгача Нурафшон шаҳар ҳокими лавозимида ишлаган Салиев Музаффар шериклари билан давлат бюджетидан жуда кўп миқдордаги пулларни талон-торож қилгани хабар берилди.
Ўзбекистонлик ўқувчилар 19-Халқаро стандартлар олимпиадасида олтин ва кумуш медалларни қўлга киритди
Маълумот учун, Халқаро стандартлар олимпиадаси 2015 йилдан бошлаб расман халқаро олимпиада сифатида тан олинган.
Наманганда фуқаро ИИБ ходимларини пичоқ ва ёғоч бўлаги билан жароҳатлади
Мазкур ҳолат юзасидан туман прокуратураси томонидан жиноят иши қўзғатилиб, айбланувчига нисбатан қамоққа олиш тарзидаги эҳтиёт чораси қўлланилган ва ҳозирда дастлабки тергов ҳаракатлари олиб борилмоқда.
Ўзбекистонда ота-оналарга болаларни тарбиялашда жисмоний жазолаш тақиқланмоқда
Олий Мажлис Сенатининг 55-ялпи мажлисида “Болаларни зўравонликнинг барча шаклларидан ҳимоя қилиш тўғрисида”ги қонун кўриб чиқилиб, маъқулланди.
Изоҳ (0)