Фарғона вилояти Марғилон шаҳрида содир бўлган йўл-транспорт ҳодисаси юзасидан жиноят иши қўзғатилди, деб хабар бермоқда вилоят ИИБ.
Маълум қилинишича, ҳолат жорий йил 13 май куни Марғилон шаҳар Б.Марғилоний кўчасида содир бўлган. 1993 йилда туғилган фуқаро С.М. Damas бошқариб кетаётиб, қарама-қарши йўналишдан келаётган автомобилни ўтказиб юбормасдан чорраҳадан қайрилиб юборган.
Оқибатда рўпарадан келаётган Onix билан тўқнашган. Тўқнашувдан сўнг Onix йўналишни ўзгартириб, йўл четида тўхтаб турган Damas билан тўқнашган ва йўл четида турган 1995 йилда туғилган пиёдани уриб юборган.
Йўл-транспорт ҳодисаси натижасида тан жароҳати олган фуқароларга тиббий ёрдам кўрсатиш мақсадида шифохонага юборилган.
Мазкур ҳолат юзасидан С.М.га нисбатан Жиноят кодексининг 266-моддаси билан жиноят иши қўзғатилиб, тергов ҳаракатлари олиб борилмоқда.
ЙТҲлар статистикаси
Ўзбекистонда 2025 йилнинг дастлабки уч ойида ЙТҲ содир этиши оқибатида 891 нафар шахс судланди.
2024 йил давомида Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан 3 321 нафар шахс судланган. Уларнинг 917 нафарига озодликдан маҳрум қилиш жазоси, 2 404 нафарига эса озодликдан маҳрум қилиш билан боғлиқ бўлмаган жазолар тайинланган.
2025 йилнинг I чораги мобайнида ушбу модда билан 891 нафар шахс судланиб, уларнинг 173 нафарига озодликдан маҳрум қилиш жазоси тайинланган.
Шунингдек, 718 нафар фуқарога озодликдан маҳрум қилиш билан боғлиқ бўлмаган жазолар тайинланди.
Апрель ойидаги ЙТҲлар
- Самарқандда автобус ва юк машинаси иштирокида ЙТҲ содир бўлди.
- Фарғонадаги автоҳалокатда Damas иккига бўлиниб кетди (видео).
- Наманганда ижарага машина олган мактаб ўқувчилари аварияга учради.
- Тошкентда Л7 уриб юборган Cobalt ариққа тушиб кетди (видео)
- Тошкентда Hyundai билан тўқнашган мотоцикл ҳайдовчиси ҳалок бўлди (видео)
- Жиззахда Tracker юқори тезликда келиб, дўконга урилди (видео)
Изоҳ (0)