Toshkent shahrining Mirzo Ulug‘bek tumanidagi O‘zbekiston ovozi ko‘chasi 7/24 ko‘chaga aylanmoqda. Bu haqda tuman hokimligi matbuot xizmati xabar berdi.
Maʼlum qilinishicha, ko‘chaning infratuzilmasi o‘zgarib, aholiga, yo‘lovchilarga va shaharsozlik normalariga mos tushadigan maskanga aylanmoqda.
Shu munosabat bilan 27-mart kuni soat 7:00 dan 30-aprelgacha O‘zbekiston ovozi ko‘chasining Shastri ko‘chasi bilan kesishmasidan Yahyo G‘ulomov ko‘chasiga qadar qismi vaqtincha avtomashinalar harakati uchun yopiladi.
Toshkent shahrining Shayxontohur tumani, Shofayzi ko‘chasi 25-martdan 1-mayga qadar avtotransport harakati uchun yopilishi haqida xabar berilgandi.
Toshkent shahrida ramazon oyi kechalaridagi tarovih namozi munosabati bilan 28-fevraldan boshlab har kuni soat 18:00 dan 24:00 gacha masjidlar yaqinidagi yo‘llar transport vositalari harakati uchun cheklanishi haqida xabar berilgan edi.
Izoh (0)