3-4-5 апрель кунлари Самарқанд шаҳрига кириш чекланиши хабар берилганди. Хушнудбек Худойбердиевнинг Олий таълим вазирлиги масъулларига таяниб хабар беришича, саммит сабаб талабаларга қисқа муддатли ўқув таътили ҳам берилади.
1-5 апрель кунлари қуйидаги олий таълим муассасаларига ёзги таътил ҳисобидан қисқа муддатли ўқув таътили берилади:
- Шароф Рашидов номидаги Самарқанд давлат университети
- Самарқанд давлат чет тиллар институти
- Самарқанд иқтисодиёт ва сервис институти
- “Ипак йўли” туризм ва маданий мерос халқаро университети
- Тошкент ахборот технологиялари университети Самарқанд филиали
- Самарқанд давлат тиббиёт университети
- Ўзбекистон—Финландия педагогика институти
Ўқув жараёнлари 7 апрель, душанба кундан бошланади. Ушбу олийгоҳ талабалари учун қолдирилган дарс машғулотлари ёзги таътилнинг илк кунлари ҳисобидан ўтказилади.
3-5 апрель кунлари “Марказий Осиё—Европа иттифоқи” саммити муносабати билан Самарқанд шаҳрига кириш вақтинча ёпилади. Шу кунлари шаҳарнинг айрим кўчаларида ҳам транспорт ҳаракати қисман чекланади.
Саммит кунлари хавфсизликни таъминлаш учун Самарқанд шаҳрининг қуйидаги кўчаларида транспорт воситаларининг ҳаракати вақти-вақти билан чекланади:
- Ибн Сино;
- Афросиёб;
- Даҳбед;
- Бўстонсарой;
- Университет хиёбони;
- Намозгоҳ;
- Садриддин Айний;
- Шабод;
- Уста Умар Жўрақулов;
- Регистон;
- Беруний;
- Мирзо Улуғбек.
Қайд этилишича, ушбу кўчаларда, истисно тариқасида, тез тиббий ёрдам ва фавқулодда вазиятлар бўлинмаларига ҳаракатланишга рухсат берилади.
Изоҳ (0)