Канаданинг “Торонто” клуби Элдор Шомуродовни таркибга қўшиш вариантини кўриб чиққан, аммо музокаралар бошланмасдан якунланган. Бу ҳақда мураббий Робин Фрэйзер маълум қилди.
MLSдаги трансфер ойнаси 23 апрель куни ёпилади. Фрэйзернинг айтишича, клуб ёзгача бошқа трансфер амалга оширмайди. Клуб Элдордан ташқари, “Севилья” футболчиси Сусо, “Колорадо”даги Жонатан Льюис ва Чили терма жамоаси ҳужумчиси Лукас Ассади билан ҳам шартнома имзолашга ҳаракат қилган. Аммо бу номлар бўйича ҳеч қандай аниқ қадам ташланмаган.
MLSда иккинчи трансфер ойнаси 24 июлдан 21 августгача давом этади. “Торонто” ўша пайда юқоридаги номлар билан шартнома имзолашга ҳаракат қилиб кўриши айтилмоқда.
Маълумот учун, Канада клуби MLS чемпионатининг шарқий қисми 8-туридан кейин 4 очко билан 14-ўринни эгаллаб турибди. Ҳозирда жамоада Лоренсо Инсене ҳамда Федерико Бернардески каби машҳур футболчилар тўп тепади.
Изоҳ (0)