Тошкент шаҳар Юнусобод туманининг Асомов кўчаси (КҲАЙ)даги йўлнинг бир йўлаги 10 апрелдан 6 майгача ёпилади. Бу ҳақда Veolia Energy Tashkent хабар берди.
Маълум қилинишича, бунга йўлда умумий узунлиги 560 метр, диаметри 800 мм бўлган эскирган иссиқлик қувурларини алмаштириш ишлари олиб борилиши сабаб бўлади.
Шунингдек, Чилонзор тумани, Лутфий кўчаси чорраҳасидан Чўпон ота чорраҳасигача бўлган КҲАЙ йўналишида жойлашган йўл 10 апрелдан 22 апрелгача ёпилади.
Ушбу ҳудудда диаметри 400 мм бўлган, умумий узунлиги 782 метрни ташкил этувчи эскирган иссиқлик қувурларини алмаштириш ишлари олиб борилади.
“Йўл маршрутини режалаштираётганда бунга эътиборга олишингизни сўраймиз”, дейилади хабарда.
Изоҳ (0)