Жиззах шаҳри учун 22 дона замонавий автобуслар олиб келинди, деб хабар берди Транспорт вазирлиги матбуот хизмати.
Маълум қилинишича, ушбу автобуслар Жиззах шаҳар ичи йўналишларига брутто-шартнома асосида бириктирилади.
Апрель ойида Жиззах шаҳри учун 8 та замонавий автобус олиб келинган эди. Шу билан бирга, март ойида 30 дона Zhong Tong русумли автобуслар олиб келинган.
2025 йил якунига қадар Жиззах вилоятига яна 30 дона автобуслар олиб келиш режалаштирилган.
Бундан аввал Ангренга 15 та Yutong автобуси олиб келинганди. Зоир Мирзаев 2024 йил октябрида ўтказган ҳокимлик соатида Тошкент вилоятида транспорт соҳасидаги хизматларни яхшилаш учун 1000 та янги автобус харид қилиш бўйича топшириқ берганди.
Транспорт вазирлиги матбуот хизматининг билдиришича, ҳудудларда аҳолига кўрсатилаётган транспорт хизматлари сифатини яхшилаш мақсадида замонавий автобусларни олиб келиш ишлари давом этмоқда. Тошкент шаҳрига яна 1000 та Yutong автобусини олиб келиш имкониятлари ўрганилмоқда. Андижон вилоятига Хитойдан 100 та электробус харид қилиниши режалаштирилган.
Изоҳ (0)