Samsung компанияси EMDХ номли 32 дюйм ҳажмли, рангли электрон дисплей (e-paper)ни расман сотувга қўйди. Қурилма асосан рақамли маълумотларни намойиш қилиш учун мўлжалланган бўлиб, ундан дўконлар, ресторанлар, жамоат транспорти ва бошқа оммавий жойларда фойдаланилади.
EMDX’ни дўконларда маҳсулот ҳақида маълумот, нархлар ва акцияларни кўрсатиш, рақамли витриналар ва эълонлар сифатида ишлатиш, метро, автобус бекатлари ёки аэропортларда жадвал, йўналиш ва эълонлар бериш учун ҳам фойдаланиш мумкин.
Мазкур дисплей E-Inc Spectrа 6 панелига эга бўлиб, 2560×1440 пиксел аниқликда тасвир беради ва 54 минггача рангни кўрсатади. Бу дезеринг алгоритмлари ёрдамида амалга ошади.
Унинг хотираси 8 ГБ, уланиш учун Wi-Fi 5 ва Bluetooth 5.0 модуллари мавжуд. Шунингдек, USB-C порти орқали зарядлаш ва Этҳернет адаптерини улаш мумкин. Дисплей 4600 мА/соатли аккумулятор билан жиҳозланган бўлиб, агар тасвир фақат кунига бир марта янгиланса, 200 кунгача узлуксиз ишлай олади.
Дисплей ўлчами 725×420×17 мм, оғирлиги эса 2,4 кг. У VESА 200×200 мм стандартидаги кронштенлар орқали деворга ўрнатилиши мумкин.
Қурилма Тизен 8.0 операцион тизимида ишлайди. Контентни бошқариш учун E-Paper Аpp мобил иловасидан фойдаланилади. Илова орқали контентни янгилаш, графиклар яратиш ва плейлистларни вақт оралиғида созлаш мумкин.
EMDX айрим мамлакатларда аллақачон сотувда бўлиб, тахминан 1400 долларга баҳоланмоқда.
Изоҳ (0)