Президентнинг Парламентлараро иттифоқ ассамблеяси ялпи мажлисида нутқ сўзлаши, саккизта вилоятда сел хавфи эълон қилиниши, Зайнилобиддин Низомиддинов Бекобод тумани ҳокими этиб тайинланиши — “Дарё” нашри бугун, 7 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Германия ва Ўзбекистон ўртасида миграция соҳасида уч томонлама меморандум имзоланди
Унга кўра, ўзбекистонликларга немис тилини ўрганиш, Германияда иш ва яшаш жойлари билан таъминлашда яқиндан ёрдам берилади.
Рақобат қўмитаси автотураргоҳларда ноқонуний тарзда тўлов талаб қилинса, хабар беришга чақирди
Тўлов ундириш фақат операторда тегишли рухсатнома мавжуд бўлган тақдирдагина қонуний ҳисобланади.
“Турли минтақадаги низолар тинчлик ва хавфсизликка жиддий таҳдид солмоқда” — Шавкат Мирзиёев
Президент Парламентлараро иттифоқ ассамблеяси ялпи мажлисида Украина, Ғазо сектори ва Афғонистондаги вазиятга эътибор қаратди.
Шавкат Мирзиёев сунъий интеллектдан фойдаланиш этикаси бўйича модел қонун ишлаб чиқишни таклиф қилди
Мазкур инновацион ҳуқуқий асос дунё миқёсида тез ривожланаётган ушбу соҳани самарали тартибга солишда барча давлатлар учун ўзига хос намуна бўлишини таъкидлади.
Шавкат Мирзиёев Москвадаги Ғалаба парадида иштирок этади
Президент 9 май куни Иккинчи жаҳон урушидаги ғалабанинг 80 йиллиги муносабати билан ўтказиладиган юбилей тадбирларида қатнашади.
Шавкат Мирзиёев Тошкентда Валентина Матвиенкони қабул қилди
Ўзбекистон билан Россия ўртасидаги стратегик шериклик ва иттифоқчилик муносабатларини янада мустаҳкамлаш масалалари кўриб чиқилди.
Шавкат Мирзиёев Озарбайжон Миллий Мажлиси раиси Соҳиба Гафаровани қабул қилди
Ўзбекистон билан Озарбайжон ўртасидаги дўстлик, стратегик шериклик ва иттифоқчилик муносабатларини янада кенгайтириш ва мустаҳкамлаш масалалари кўриб чиқилди.
Шавкат Мирзиёев Беларусь Миллий Мажлиси республика кенгаши раисини қабул қилди
Ўзбекистон—Беларусь муносабатларини янада кенгайтириш масалалари кўриб чиқилди.
Ўзбекистоннинг 8 та вилоятида сел хавфи эълон қилинди
8—9 апрель кунлари ёмғир ёғиши кутилмоқда.
Фото: Парламентлараро иттифоқ ассамблеясининг президент Шавкат Мирзиёев иштирокидаги юбилей мажлиси
Ўз сафида 181 та миллий парламент ва 15 та минтақавий уюшмани бирлаштирган Иттифоқнинг Ассамблеяси илк марта Марказий Осиё минтақасида бўлиб ўтмоқда.
Сергелидаги “дом”ларнинг бирида ёнғин чиқди (видео)
Ҳозирда ёнғин сабаби ва келтирилган моддий зарар миқдори аниқланмоқда.
Зайнилобиддин Низомиддинов Бекобод тумани ҳокими этиб тайинланди
Туман ҳокими лавозимида ишлаб келаётган Шуҳрат Дўстбеков йўл қўйган хато-камчиликлари учун лавозимидан озод этилди.
Ўзбекистон президенти араб мамлакатлари парламентлари раҳбарлари билан Яқин Шарқдаги вазиятни тартибга солишнинг долзарб масалаларини кўриб чиқди
Май ойида Самарқандда “Марказий Осиё—Кўрфаз араб давлатлари ҳамкорлик кенгаши” мулоқотининг иккинчи саммитини ўтказиш масалалари кўриб чиқилди.
Тошкентда болаларга нисбатан зўравонликнинг олдини олиш бўйича минтақавий конференция ўтказилиши кутилмоқда
Шавкат Мирзиёев БМТ бош котибининг болаларга нисбатан зўравонлик масалалари бўйича махсус вакили Нажат Маалани қабул қилди.
Шавкат Мирзиёев Парламентлараро иттифоқ бош котибини “Дўстлик” ордени билан тақдирлади
Ўзбекистон 2017 йилда Иттифоқ ишидаги иштирокини қайта тиклади ва бугунги кунда унинг ижро этувчи тузилмаларида тўлақонли қатнашмоқда.
Тошкентдан Краснодарга мунтазам автобус қатновлари йўлга қўйилди
Транспорт вазирлиги қатнов нархлари ҳақида маълумот берди.
Шавкат Мирзиёев Вьетнам Миллий мажлиси раиси билан туризмни визасиз тартибни жорий қилиш орқали ривожлантириш масаласини муҳокама қилди
Ханой шаҳрида Ҳукуматлараро комиссия йиғилиши ва бизнес форумини самарали ўтказиш муҳимлиги таъкидланди.
Изоҳ (0)