Тошкент шаҳрининг Юнусобод тумани, Амир Темур шоҳкўчасида “хорижий илғор тажриба” асосида сариқ-оқ йўл чизиқлари кўриниш берган эди.
Бундан асосий мақсад қайрилмоқчи бўлган транспорт воситалари хавфсизлигини таъминлаш эканлиги айтилганди. Йўл бўлаклари қисқармаслиги қўшимча қилинган эди. Йўл чизиқлари янгисига алмаштирилгач барча ҳаракат хавфсизлигини ҳис қилиш мумкинлиги таъкидланган.
15 февраль куни соат 20:15 ларда айнан Амир Темур кўчасида 2005 йилда туғилган Ж.И. Spark автомашинасини бошқариб кетаётиб, пиёдани уриб юборган.
Ҳодиса оқибатида пиёда шифохонага олиб кетилиб, биринчи тез тиббий ёрдам кўрсатилган.
Бунга қадар жамоатчилик вакиллари ушбу чизиқлар хусусида ўз эътирозларини билдириб келаётган эди. ЙТҲдан сўнг бу каби фикрлар кўпайди.
ИИВ ЖХД Йўл ҳаракати хавфсизлиги хизматининг 18 февраль куни берган хабарига кўра, “халқаро тажриба” асосида чизилган йўл чизиқлари ўчирилмоқда.
Йўлларда болалар ўлими
Ноябрь ойида Жиззах вилоятининг Бахмал туманида Cobalt катта тезликда вояга етмаган икки қизни уриб юборди. Шунингдек, Самарқандда автобус мактаб яқинида йўлни кесиб ўтаётган болани уриб юбориб, унинг ўлимига сабаб бўлганди. Сурхондарёда 1-синф ўқувчиси Nexia уриб юборишидан вафот этганди.
Сенат берган маълумотга кўра, 2024 йилнинг 5 ойи давомида жами 359 нафар ўқувчи билан боғлиқ йўл-транспорт ҳодисаси содир этилган ва 65 нафар ўқувчи ҳалок бўлган, 294 нафар ўқувчи эса турли даражада тан жароҳатлари олган. 2023 йилда болалар билан боғлиқ 1 794 та ЙТҲ юз бериб, уларда 1 568 нафар бола жароҳатланган, 263 нафари вафот этган.
Сентябрда Тошкентда BYD 9 ёшли мактаб ўқувчисини уриб юбориб, унинг ўлимига сабабчи бўлганди. Худди шу каби ҳолат июль ойида Навоий вилояти Хатирчи туманида содир бўлган. Катта тезликда ҳаракатланаётган BYD пиёдалар ўтиш жойидан ўтаётган 9 ёшли қизалоқни босиб кетган. Ўша ойда Самарқандда 7 яшар бола автомобиль уриб кетиши оқибатида вафот этди. Апрелда Жиззахда содир бўлган ЙТҲ оқибатида икки нафар мактаб ўқувчиси ҳалок бўлди.
Болалар иштирокида аянчли ЙТҲлар кўпайгач, жамоат фаоллари йўлларда болалар ўлими учун сиёсий жавобгарлик бўлиши кераклигини айтди.
Тошкентда содир бўлаётган ЙТҲлар
5 декабрь куни Тошкент шаҳрининг Мирзо Улуғбек ва Юнусобод туманларида 1,5 соат ичида ЙТҲлар содир бўлгани ҳақида хабар берилганди. Шунингдек, 6 декабрь куни Юнусобод ва Яшнобод туманларида ЙТҲлар содир бўлганди.
3 ноябрь тунда пойтахтнинг учта туманида ЙТҲ содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди.
11 ноябрь куни Миробод туманидаги “Санъат музейи” қаршисида Lacetti King Long автобуси орқасига бориб урилди. 16 ноябрда Яккасарой тумани Malibu йўл четидаги темир устунга урилди ва ҳайдовчиси ва йўловчиси жароҳат олди.
17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди.
Изоҳ (1)
bizda probka bo'lganligi sabab bunaqa chiziqlar ishlamidi, uni ustiga chetki polosa quvib o'tish polosasi, quvib o'tuvchi, polosa ingichkalashib ketganini bilmi qolishi mumkin, bilgan taqdirda xam u to'xtab yondosh polosa yol berishini kutib qolishi mumkin natijaga yana probka xosil qiladi. undan ko'ra choraxadan boshlab o'rtada yol ajratuvchi bordyurni kengroq qilish kerak, shunda choraxadan yolga kiruvchilar biladiki botta 5 ta polosa emas 4 ta, va yarim yo'lda 5 polosa 4 taga aylanmidi.
bunaqa chiziq novza tomonda mostiga chiqishda xam bor lekin o'tta polosa kesgin chzilgan, maqsad most tagidan mostga chiquvchilarga qulaylik yaratish, botta xam shu polosa ishlamidi, sababi chettagi 1-polosadan kevotganlar majbur boladi 2-polosaga o'tishga va ular 2-polosadagilar o'tib ketishini va yol berishini kutib qoladi va yana probka xosil qiladi, shu sabab bunaqa chizilgan polosalar ishlamidi.
bunaqa polosalar chizishidan avval Toshkent probkalarini va O'zbekiston xaydovchilarni xaydash madaniyatini xisobga olgan xolda matematik modelini yaratib kompyuterda modellashtirilishi kerak va o’tkazuvchanlikka va xarakat xavfsizligiga ta’sirini o’rganish kerak.
"A" polosali yollar xam xamma ko'chalarga tog'ri kelurmidi, sababi shunaqa ko’chalar borki, ularda xizmat korsatish shxobchalari, savdo shaxobchalari, odamlar yashaydigan domlarga kirish joyladi, AZS lar kop va u joylarga yengil-avtomobillar kirib chiqishi, moshinani qoyib ketishi odatiy xol. Avtobuslarga esa chekti polosa faqat o’ngga choraxada burilishi uchun kerak, va shu polosani avtobuslar uchun ajratish foydasi yoq, butta “A” polosani qoidasi ishlamidi. Avtobuslar uchun polosani avvalgi tramvay yoliga ko’chirish kerak, u polosa yengil-avtomobillar uchun faqat chapga burilish va qayrilib olish uchun kerak, shu sabab u polosa (agar maxsus bordyur bilan ajratilsa) umuman band bo’lmaydi.