“Калмар ўйини” сериалининг иккинчи мавсумида собиқ полициячи Хван Жун Хонинг онаси ролини ижро этган актриса Ли Жу Шил жорий йил 2 февраль куни 80 ёшида вафот этди. Бу ҳақда Yonhap News Agency’га таяниб Peopletalk хабар берди.
Корея ахборот агентлигининг хабар беришича, актрисага уч ой аввал ошқозон саратони ташхиси қўйилган. Касаллигига қарамай, у фильмларда рол ўйнашда давом этди. Ийжонгбу касалхонаси актрисанинг юраги тўхтаб қолганини тасдиқлади. Унинг дафн маросими 5 февраль куни бўлиб ўтади.
Жанубий кореялик актриса 60 йилдан ортиқ умрини санъатга бағишлаган. У 1964 йилда театр спектаклларида дебют қилди. Ёшлигидан Ли Жун Ши кўплаб машҳур спектаклларда фаолият олиб борди. Шунингдек, дубляжда ҳам фаол ишлади. Актрисада, шунингдек, Вонкванг университетининг соғлиқни сақлаш иши бўйича докторлик даражаси ҳам бор эди.
Фото: Peopletalk
1993 йилда унга кўкрак бези саратони ташхиси қўйилган ва орадан ўн йил ўтгач, актриса онкологик касалликни енга олган.
Ли Жун Шининг ҳамкасблари ва мухлислари унинг Корея санъатига қўшган улкан ҳиссасини қайд этиб, ижтимоий тармоқларда таъзия изҳор қилишмоқда.
Изоҳ (0)