Бир машинани икки киши бўлиб бошқарганларга чора кўрилди, деб хабар бермоқда Сурхондарё вилояти ЙҲХБ ахборот хизмати.
Унда келтирилишича, транспорт воситасини бошқариш жараёнида ўзларинг хавфли ва бачкана ҳаракатини тасвирга олиб, ижтимоий тармоқларга жойлаган ҳуқуқбузарлар билан тушунтириш ишлари олиб борилган.
Йигит севган қизи илтимос қилганини таъкидлаб, барчадан узр сўради: “Яхши кўрган қизим илтимос қилгани ва оёғи педалга етмагани учун ҳайдашга рухсат бергандим. Қилган ишимдан пушаймонман. Видеони кўриб, ўзим ҳам уялиб кетдим”.
Бундан ташқари, қиз ҳам қилмишидан пушаймон эканини, ҳолатдан уялганини айтиб, узр сўради.
Йигит Маъмурий жавобгарлик тўғрисидаги кодексга мувофиқ жавобгарликка тортилди.
Бундан аввал Тошкентда ўз “Гелик”ининг ойнасини синдирган эр-хотин суд қилинган эди. Шунингдек, Самарқандда ахлоққа зид ҳаракатлар қилиб, ижтимоий тармоқ “юлдузи”га айланганлар узр сўраб чиқди.
2024 йилнинг июнь ойида 21 ёшли қиз вилоятликларни тилга олиб бўлмас сўзлар билан ҳақорат қилиб, шу қилмиши учун 15 суткага қамалганди. Ўша йилнинг июль ойи ўртасида Instagram’даги жонли эфирда “қишлоқилар одаммас” дея ҳақоратлаган қиз жаримага тортилган эди. Instagram’да салбий фикр билдирган кузатувчиларга жавоб тариқасида беҳаё сўзлар билан вилоятликларни ҳақорат қилган қиз 10 суткага қамалганди.
Шунингдек, Тошкент аҳолисини ҳақорат қилган қиз 10 суткага қамалган эди.
Изоҳ (0)