Самарқанд шаҳрида қўпол қоидабузарлик содир этган ҳайдовчилар жавобгарликка тортилди. Бу ҳақда Самарқанд вилояти ИИБ Йўл ҳаракати хавфсизлиги бошқармаси хабар берди.
Ижтимоий тармоқларда Lacetti ва Nexia транспорт воситалари тунда шаҳар марказида дрифт қилгани тасвирланган видео тарқалди.
Қайд этилишича, мазкур ҳолат Самарқанд шаҳар “Алишер Навоий” МФЙ ҳудудидан ўтувчи “Талабалар хиёбони”да юз берган — ҳайдовчилар тезликни меъёридан ошириб, қўпол қоидабузарлик содир этган.
Ҳолат юзасидан ЙПХ ходимлари томонидан олиб борилган суриштирув ишлари натижасида қоидабузар ҳайдовчилар аниқланган. Уларга нисбатан маъмурий баённомалар расмийлаштирилган.
Эслатиб ўтамиз, Самарқанд шаҳрида 31 декабрдан 1 январга ўтар кечаси Mercedes-Benz’да дрифт қилган ҳайдовчи жавобгарликка тортилган эди. Ундан олдин эса Нукусда рақамсиз ҳаракатланиб, дрифт қилган “Шумахер” топилганди.
Изоҳ (0)