Фарғона вилоятида метан заправка 1 миллиард сўмдан зиёд табиий газдан ноқонуний фойдалангани аниқланди. Бу ҳақда “Ўзэнергоинспекция” матбуот хизмати хабар берди.
Қайд этилишича, “Ўзэнергоинспекция” Фарғона вилоят ҳудудий бошқармаси, вилоят прокуратураси ва газ таъминоти корхонаси ходимлари билан ҳамкорликда ўтказилган назорат тадбирида Фарғона туманида фаолият юритаётган “СНГ.Г.С.” МЧЖга қарашли АГТКШ табиий газдан ноқонуний фойдалангани аниқланган.
Хусусан, ўрганиш давомида ушбу автомобилларга газ тўлдириш компрессор шохобчасининг газ ҳисоблагичига ташқи таъсир кўрсатилгани маълум бўлган.
Дастлабки ҳисоб-китобларга кўра, давлат манфаатларига етказилган зарар миқдори жами 1 миллиард 136 миллион сўмни ташкил этган.
Қоидабузар истеъмолчига нисбатан белгиланган тартибда чора кўриш учун тегишли ҳужжатлар ҳуқуқни муҳофаза қилувчи органларга тақдим қилинган.
Бундан олдин Хоразмда заправка 220 млн сўмлик электрдан ноқонуний фойдалангани аниқлангани тўғрисида хабар берилганди. Шунингдек, Наманганда электрдан ноқонуний фойдаланганлар жамият ва давлат манфаатларига тўрт кунда 5 млрд сўмдан зиёд зарар етказган эди.
Изоҳ (0)