Фарғона вилоятида электр энергиясидан ноқонуний фойдаланиш ҳолати аниқланди, деб хабар беради “Ўзэнергоинспекция” матбуот хизмати.
Қайд этилишича, Энергетика вазирлиги ҳузуридаги “Ўзэнергоинспекция” томонидан ҳуқуқни муҳофаза қилувчи органлар ва электр таъминоти корхонаси ходимлари билан ҳамкорликда назорат тадбири ўтказилган. Тадбирда Қўштепа туманида фуқаро Х.Т.га қарашли мева ва сабзавотларни сақлаш учун ташкил этилган музлаткичда электр ҳисоблагич схемалари хато улангани маълум бўлган.
Ушбу ҳолат бўйича дастлабки ҳисоб-китобларга кўра, электр таъминоти корхонаси томонидан 716 миллион 429 минг сўм миқдоридаги ҳисобга олинмаган электр энергияси қайта ҳисоб-китоб қилинган.
Қоидабузар истеъмолчига нисбатан белгиланган тартибда чора кўриш учун тегишли ҳужжатлар расмийлаштирилиб, ҳуқуқни муҳофаза этувчи органларга тақдим қилинган.
Аввалроқ пойтахтда электр энергиясига ноқонуний уланиб, давлат манфаатларига 1,5 миллиард сўмлик зарар етказган майнинг ферма аниқлангани тўғрисида хабар берилганди. Шунингдек, Жиззахда иккита майнинг ферма давлатга салкам ярим миллиард сўм зарар етказгани маълум бўлган, Тошкент вилоятида 733 млн сўмлик электр энергиясидан ноқонуний фойдаланган майнинг ферма аниқланган эди.
Изоҳ (0)