Наманганда электр энергиясидан фойдаланишда қоидабузарликка йўл қўйган насос станцияси аниқланди. Бу ҳақда “Ўзэнергоинспекция” хабар берди.
Қайд этилишича, “Ўзэнергоинспекция” Наманган вилоят ҳудудий бошқармаси томонидан ҳуқуқни муҳофаза қилувчи органлар билан ҳамкорликда назорат тадбири ўтказилган. Тадбирда Косонсой туманида фаолият юритаётган “Т.С.С.” МЧЖга қарашли насос станциянинг фойдаланилган электр энергияси таърифлари бўйича нотўғри ҳисоб-китоб қилингани маълум бўлган.
Ушбу ҳолат бўйича дастлабки ҳисоб-китобларга кўра, электр таъминоти корхонаси манфаатига 422 миллион 182 минг сўм миқдорида зарар етказилгани аниқланган.
Қоидабузар истеъмолчига нисбатан белгиланган тартибда чоралар кўриш учун тегишли ҳужжатлар расмийлаштирилиб, ҳуқуқни муҳофаза этувчи органларга тақдим қилинган.
- Ўзбекистонда май ойида энергия ресурсларидан ноқонуний фойдаланишлар натижасида давлат манфаатларига 67 миллиард 825 миллион сўмлик зарар етказилган. Ноқонуний фойдаланиш ҳолатларининг энг кўпи Навоий, Сурхондарё ва Андижон вилоятлари ҳиссасига тўғри келади.
Изоҳ (0)