Жиззахда ўзбошимчалик билан тармоққа уланган фермер хўжалиги 1,3 млрд сўмлик электр энергиясидан ноқонуний фойдалангани аниқланди. Бу ҳақда “Ўзэнергоинспекция” хабар берди.
Маълум қилинишича, Зомин туманидаги “С.Р.Ч” фермер хўжалиги қуввати 147 кВт бўлган суғориш насосларини тармоққа ўзбошимчалик билан улаб, электр энергиясидан ноқонуний фойдалангани аниқланди.
Ушбу қоидабузарликлар натижасида давлат манфаатларига 1 млрд 394 млн сўмлик (622,6 минг кВт/соат электр энергияси) зарар етказилгани маълум бўлди.
Қоидабузар истеъмолчиларга нисбатан белгиланган тартибда чоралар кўрилиб, тегишли ҳужжатлар ҳуқуқни муҳофаза этувчи органларга тақдим қилинди.
Изоҳ (0)