Наманган вилоятида 579,7 миллион сўмлик табиий газдан ноқонуний фойдаланиб келган оилавий корхона фош этилди, деб хабар бермоқда “Ўзэнергоинспекция”.
Унга кўра, ҳолат “Ўзэнергоинспекция” Наманган вилоят бошқармаси ва газ таъминоти корхонаси билан ҳамкорликда ўтказилган назорат тадбирида аниқланган. Тўрақўрғон туманида жойлашган “А.А.С.Б” оилавий корхонасига қарашли ошхонада газ таъминоти билан шартнома тузмасдан ўзбошимчалик билан табиий газдан ноқонуний равишда фойдаланиб келаётгани аниқланди.
Ушбу қоидабузарлик натижасида дастлабки ҳисоб-китобларга кўра газ таъминоти корхонасига 579,7 миллион сўмлик зарар етказилгани маълум бўлди.
Қоидабузар истеъмолчига нисбатан белгиланган тартибда чора кўриш учун тегишли ҳужжатлар расмийлаштирилиб, ҳуқуқни муҳофаза қилувчи органларга тақдим этилди.
Газни ўғирлаётган оҳак цехлари
Март ойида Самарқанд вилоятининг Пахтачи туманида 4 млрд сўмлик табиий газдан ноқонуний фойдаланилган яширин оҳак цехи фош этилган эди. Апрелда эса Фарғонада 69,4 млн сўмлик табиий газдан ноқонуний фойдаланган оҳак цехи аниқланган.
Май ойида эса яна Фарғонада 289 млн сўмлик табиий газдан ноқонуний фойдаланиб, оҳак цехи ташкил этилганлиги аниқланган эди. Август ойида Самарқандда 3,3 млрд сўмлик табиий газдан ноқонуний фойдаланиб, оҳак цехи ташкил этган шахс ушланганди.
Сентябрда Фарғонада газдан ноқонуний фойдаланган оҳак цехи масъуллари давлатга 5,5 млрд сўмдан зиёд зарар етказди. Шу билан бирга, айнан Фарғона шаҳрида ноқонуний оҳак ишлаб чиқариш цехи ташкил қилиб, 544,6 млн сўмлик табиий газни ўғирлаганлар қўлга тушган эди.
Бундан ташқари, Самарқанддаги новвойхонада 621 млн сўмлик газдан ноқонуний фойдаланилди.
Газ ўғирлаётган иссиқхоналар
Изоҳ (0)